Elbasynyń tapsyrmalaryn iske asyrý maqsatynda Táýelsizdik jyldary úlken jumys atqaryldy. Nursultan Ábishuly beibitshilik pen qoǵamdyq kelisim qamtamasyz etilgen, ekonomikasy qarqyndy damyp kele jatqan zamanaýi memleket qurýǵa úlken mán berdi. Elimizdiń basty merekeleriniń qarsańynda Qazaqstan Prezidenti Qasym-Jomart Toqaev aqyl, ǵylym, bilim men eńbektiń ýaqyty kelgenin atap ótti. Kelesi jyly bizdiń Táýelsizdigimizge 30 jyl tolady. Biylǵy jyly ekonomikalyq jáne saiasi reformalar, tsifrlandyrý, adam quqyqtaryn qorǵaý, densaýlyq saqtaý men bilim berýdi damytý, sondai-aq qorshaǵan ortany qorǵaýǵa negizdelgen sharalarǵa basym nazar aýdaryldy.
Dúniejúzilik COVID-19 pandemiiasyna bailanysty aǵymdaǵy jyl ońai bolǵan joq. Prezident Qasym-Jomart Kemelulynyń tapsyrmasyna sáikes Úkimet halyqty qorǵaý jáne biznesti qoldaý boiynsha ýaqtyly sharalar qabyldady. Osynyń arqasynda Almaty oblysyndaǵy áleýmettik-ekonomikalyq jáne saiasi jaǵdai turaqty bolyp qaldy, sonymen qatar óńir barlyq negizgi baǵyttar boiynsha ósýdi saqtai aldy.
Aita ketý kerek, Elbasynyń «Qazaqstan – 2050» Strategiiasyn júzege asyrý barysyna jáne Prezident Joldaýynyń tarmaqtaryna Almaty oblysynyń basshysy Amandyq Batalov ta kóp kóńil bóledi. El Táýelsizdiginiń 30 jyldyǵy qarsańynda óńirde 100-ge jýyq áleýmettik mańyzy bar nysandardyń ashylýy men ideologiialyq is-sharalar ótkizý josparlanǵan. Bul týraly Almaty oblysy ákiminiń orynbasary Rýstam Ali «JETISÝ MEDIA» aqparattyq alańynda ótken baspasóz-maslihatynda málimdedi.
– Jetisý óńiriniń atynan biz 16 qarasha men 16 jeltoqsan aralyǵyndaǵy kezeńde 30 áleýmettik mańyzy bar nysandar men is-sharalardy qamti otyryp, «Táýelsizdikke tartý» aktsiiasyn iske qosqymyz keledi. Óńir úshin mańyzdy nysandar Elbasynyń 5 áleýmettik bastamasy jáne «Jumyspen qamtýdyń jol kartasy» memlekettik baǵdarlamasy aiasynda ashylady.
Táýelsizdiktiń arqasynda elimizde áleýmettik nysandardyń ǵana emes, kásipkerliktiń de kókjiegi keńeidi. Jańa óndiristik jobalar oblystyń jetekshi aýdandarynda iske qosylady.
Aitalyq, Kerbulaq aýdanyndaǵy qýaty jylyna 1,2 mln tonna «Alatsem» JShS tsement zaýyty, Ile, Uiǵyr aýdanynyń jańartylǵan qus fabrikalary, qýaty 50 MVt Qaskeleń kún elektr stantsiiasy, 1 200 saýyn siyrǵa jobalyq quny 2,5 mlrd teńge bolatyn sút fermasy Táýelsizdik kúni qarsańynda tusaýy kesilip, biylǵy jyldyń eń iri jobalary bolady, – dedi Rýstam Ali.
Ol sondai-aq aýyldyq jerler men saiajai alaptaryna erekshe nazar aýdarylǵanyn atap ótti. Óńir basshysynyń orynbasary Elbasy N.Á.Nazarbaevtyń Jarlyǵymen qalpyna keltirilgen Raiymbek aýdanyn odan ári damytý týraly aityp ótti. Aýdanda halyq sany artyp, 40 myńǵa jýyq adamdy quraǵan. Aimaqtyń damýyna úles qosýǵa jigerli jastar týǵan ólkelerine qaityp kelýde.
Búginde olardyń sany 2000-nan asady. Dál osy aimaqta oblys ákiminiń orynbasarynyń sózine sensek, Táýelsizdik kúni qarsańynda shamamen 82 turǵyn úi, ákimshilik ǵimarattar jáne basqa da áleýmettik nysandar paidalanýǵa beriledi.
Saiajai alaptary da baqylaýda. Mysaly, osy aptada joǵaryda atalǵan aktsiia aiasynda «Shaiqorǵan» jáne «Qyzyl tas» saiajai sektorlarynyń turǵyndary úshin oblys ortalyǵynda jalpy quny 595 mln teńge bolatyn eki kólik júrýge arnalǵan ótkel paidalanýǵa beriledi.
Jergilikti turǵyndardy jaily ómir súrý jaǵdaiymen qamtamasyz etý máselesi Almaty oblysy ákimi Amandyq Batalovtyń ustanǵan saiasatynyń basym baǵyty bolyp tabylady. Bul ustanymda árkez bilik nazarynda.
– Halyqty qoljetimdi turǵyn úimen qamtamasyz etý erekshe baqylaýda. Aǵymdaǵy jyldyń 16 qarashasynan bastap jyldyń sońyna deiin 446 páterlik 239 jalǵa beriletin úidi qoldanysqa berý josparlanýda. Sonymen qatar 228 páterlik 43 nesielik úi jáne kommýnaldyq turǵyn úiler de bar-bul 37 jeke úi. Sondai-aq, oblys ortalyǵynyń kottedj qalashyǵyndaǵy 248 kottedj úi óz iesin tabady dep kútilýde. Aita keteiik, jyl sońyna deiin óńirdegi 711-den astam otbasy jalpy aýdany 74,9 myń sharshy metrdi quraityn baspananyń kiltin qoldaryna alatyn bolady, – dedi Rýstam Ali.
Prezidenttiń buqaralyq sportty damytý jáne halyqtyń densaýlyǵyn jaqsartý týraly joldaýy aiasynda Almaty oblysynda 100 sport nysanynyń qurylysy qarqyndy júrgizilýde. Mysaly, oblysta qazirdiń ózinde 8 deneshynyqtyrý-saýyqtyrý kesheni jumys isteidi jáne jyl sońyna deiin 7 jańa sporttyq-saýyqtyrý keshenderi men sport alańdary paidalanýǵa berilmek.
Barshaǵa málim, jahandyq pandemiia Densaýlyq saqtaý júiesine úlken qaýip tóndirdi. Biraq, soǵan qaramastan, Almaty oblysy syn-qaterdi abyroimen eńserýde. Aǵymdaǵy jyly 17 nysan qurylysy júrip jatyr. Jyl sońyna qarai Almaty oblysynyń aýdandarynda 13 dárigerlik ambýlatoriia el igiligine beriledi jáne Jambyl aýdanynda áielder konsýltatsiiasy bar 100 tósektik perzenthana ashylady dep josparlanǵan.
Sonymen qatar, spiker oblys ortalyǵynda álemdik standarttarǵa sai keletin, olimpiadalyq basseininiń ashylýy Jetisýlyqtar úshin úlken oqiǵa bolatynyn, ol osy jyldyń sońyna deiin daiyn bolatynyn atap ótti. Qazirdiń ózinde kózdiń jaýyn alatyn, sáýlettik kelbetimen jáne qaitalanbas stilimen eldiń tańdaiyn qaqtyryp otyrǵan biregei sport nysany sý sportynyń damýyna úlken múmkindikterge jol ashady. Jobanyń quny 11,4 mlrd.teńgeden asyp jyǵylady.
