Bul týraly Memleket basshysynyń baspasóz hatshysy Berik Ýáli áleýmettik jelide jazdy.
"Prezident Mańǵystaý oblysyndaǵy erekshe qorǵalatyn Bozjyra tabiǵat qoryǵynyń aýmaǵyna salynatyn jańa qonaq úidiń qurylysyna qatysty qoǵamnyń teris pikirin eskere otyryp, Úkimetke osy jobany qaita qaraý jóninde tapsyrma berdi", delingen jazbada.
Jeke menshik investorlar ákimdiktiń qoldaýymen Mańǵystaýdyń basty simvoly sanalatyn Bozjyrada safari-qonaq úi salady degen habar tarai sala qoǵam belsendileri dúrligýde. Biregei tabiǵi aýmaqtyń kelbetin buzyp, tarihtan aqsha jasamaqshy degender qurylysty toqtatýdy talap etip jatyr.
Ekologtar men qoǵam belsendileri shatqalǵa qonaq úi salamyz degen jyndynyń sandyraǵy dep, qoryqtyń quryp ketýine alańdaýly. Qyzyl kitapqa engen ýrial, qaraquiryq pen qaraqal siiaqty janýarlardyń kóbeiýine kesirin tigizedi eken. Basty sebep Bozjyra turǵan ústirt IýNESKO tizimine enýge shaq tur. Al, IýNESKO-nyń basty talaby – búlinbegen tabiǵat ekenin eskersek, kommertsiialyq nysan salynsa uiymǵa kirgizý jospary qurdymǵa ketedi deidi belsendiler.
