Alqaly otyrysty Almaty oblysy Ishki saiasat basqarmasynyń qoldaýymen oblystyq «Taldaý jáne boljaý» ortalyǵy uiymdastyrdy.
Atalǵan sharaǵa aimaqtaǵy ishki saiasat basqarmalarynyń basshylary men ár aýdannyń baspasóz-hatshylary arnaiy shaqyrylǵan.
Shaqyrtý alǵan qonaqtardyń qatarynda Almaty oblystyq tilderdi damytý basqarmasynyń basshysy Aidar Qarbozuly, Qazaqstan halqy assambleiasy filialy tóraǵasynyń orynbasary, hatshylyq meńgerýshisi Ǵabit Tursynbai, Almaty oblysy boiynsha Ádep jónindegi ýákili Ǵaliasqar Tólendiuly da bar.
Óńirdegi qoǵamdyq-saiasi ahýaldyń turaqtylyǵyn, qoǵamdyq kelisimniń saqtalýyna atsalysyp júrgen azamattardyń basyn qosqan sletta Almaty oblysy ishki saiasat basqarmasynyń basshysy Rýstam Áliuly moderator qyzmetin atqardy.
Jiyn barysynda bilik basynda jumys istep júrgen tulǵalar sóz alyp, osy ýaqyt aralyǵynda atqarylǵan isterdiń bir sypyrasyna toqtaldy.
Almaty oblysy ishki saiasat basqarmasy janynan qurylǵan « Jetisy Media» KMM-si ashylǵan kezinen bastap memlekettik organdar men qoǵamnyń ózara is-qimylynyń tiimdi tetigin qurý, jáne memlekettik organdarmen, qoǵamdyq birlestiktermen, saiasi partiialarmen, jeke tulǵalarmen oblystaǵy qoǵamdyq-saiasi jáne áleýmettik-ekonomikalyq ahýaldy zerdeleý maqsatynda buqaralyq aqparat quraldarymen aqparat aǵymynda ózara berik ári oń is-qimylyn ornatýda. Bul rette «Jetysu Media» 2019 jyly 215 baspasóz-máslihaty ótkizilip, oǵan 407 spiker qatysqan, aqparattyq keńistikte 17 834 maqala jariialandy. Sondai-aq, «Jetysu Media» KMM-niń uiymdastyrýymen Alakólde ashyq aspan astynda ótkizilgen is-sharada eldiń jetekshi blogerleri Qyran Talapbek, Erjan Rashev, Beibit Álibekov kelip, sheberlik sabaqtaryn júrgizgen.
Sonymen qatar, «Pecha kucha» formatyndaǵy intellektýaldy keshi ótkizildi, «Manas» qazaq-qyrǵyz ziialylarynyń halyqaralyq forýmy, «Mereili otbasy» baiqaýy, Qazaqstannyń jetistikke jetken áielderinen «Áiel jetistiginiń formýlasy» taqyrybynda sheberlik sabaqtary, «Qazirgi zamanǵy qazaqstandyq mádeniet jahandyq álemde» halyqaralyq ǵylymi-praktikalyq konferentsiiasynyń ótýine muryndyq bolǵandyǵy týraly « Jetisy Media» KMM-niń direktory Janna Arynbekova jiyn barysynda málimdedi.
Budan bólek, ishki saiasat basqarmasyna qarasty «Rýhani jańǵyrý» jobalyq keńsesi JShS direktorynyń orynbasary Erasyl Tolymbekulynyń baiandamasynan 2019 jyly oblysta «Rýhani jańǵyrý» baǵdarlamasy aiasynda 10 mlrd. teńgeden astam somaǵa 585 jobalar men is-sharalar júzege asyrylǵany málim boldy.
Budan basqa, atymtai jomart azamattardyń qoldaýymen azqamtylǵan jáne kópbalaly otbasylarǵa 200-ge jýyq baspananyń kilti tabystalǵan eken. Jáne ózge de aýyz toltyryp aitarlyqtai jobalar iske asqan.
Ishki saiasat basqarmasynyń moinyna artylǵan mindetter óte kóp. Ol eldegi turaqtylyqqa barsha memlekettik uiymdardyń isine jaýapty birden bir basqarma ekeni daýsyz. Osy oraida álide atqaratyn qyrýar jumys bar. Sony júzege asyrý úshin aldyǵa qoiǵan birneshe maqsttar bar ekenin Almaty oblysy boiynsha Ádep jónindegi ýákili Ǵaliasqar Sarybaev aitty. Olar :
- Belsendi áleýmettik saiasat qurý. Iaǵni, ár basqarmanyń kúntártibin aiqyndap berý qajet. Qai baǵytta jumys jasaitynyn anyqtap kórsetý kerek. Sol sebepti de «media», «boljaý» ortalyqtary qurylǵan bolatyn.
- Ár kimge qol jetimdi bolashaq. Bul jerde el jastaryn bilimmen qamtamasyz etý basty nazarda bolýy tiis. Adami kapitaldy arttyryp, qoldanbaly bilimdi damytýǵa mán bergen jón.
- Aqparattyq tehnologiialardyń ósýi. Jasandy intelekt búgingi býynnyń ajyramas serigi bolyp qaldy.
- Deni saý adamdardyń, myqty ulttyń qalyptasýy. Densaýlyq saqtaý salasyndaǵy bilikti mamandar sanyn arttyrý. Búginde obyr, qant deabeti syndy nebir kesel túrleri kúnnen-kúnge jasaryp keledi. Barlyq aýrýlardyń erte kezden bastap aldyn alýǵa daǵdylaný mańyzdy.
- Ekonomikanyń ósýi. Bul ortaq igilikti maqsat. Osy baǵytta oblys kóleminde kóp ister jasalyndy. Biraq óz ishimizde bilip qana qoimai, halyq arasynda túsindirý, nasihattaý jumystaryn júrgizý jolǵa qoiylýy tiis.
- Qoǵamnyń ál-aýqatyn arttyrý negizinde biznesti qoldaý. Elbasy Nursultan Nazarbaev pen el Prezidenti Qasym-Jomart Toqaev shaǵyn jáne orta kásipkerlikti qoldaý maqsatynda nebir baǵdarlamalardy iske qosty. Alaida, halyq bilmeidi. Nasihat az.
- Azamattardyń qolaily ómir súrýi úshin jaǵdai jasaý. Ár adam jaqsy tirlik keshkisi keledi. Sondyqtan ýrbanizatsiia máselesin jolǵa qoiyp, aýyldaǵy aǵaiyndy qalaǵa tartý kerek.
- Azamattar ókilettiligi úshin memlekettik qyzmettiń tiimdiligin arttyrý.
- Memlekettik qyzmetshiniń quqyǵyn qorǵaý. Zań aiasynda jumys jasaý.
- Jastardy qoldaý. Jastarǵa jol berip, qyzmetke turyp , jumys jasaýyna múmkindik berý .
Sóz sońynda ol memlekettik múddesin qorǵaitynda, adamnyń oi-sanasyn ózgertýge yqpaly bar basqarma ishki saiasat ekenin naqtylap kórsetti.
Minbege shyqqan qonaqtardyń sózi aiaqtalǵannan keiin jyl boiy úzdik kórsetkish kórsetip, tynbai eńbek etken mamandar men basshylar marapattaldy.
Aýmaqtaǵy ishki saiasat bóliminiń basshylary kelesidei retpen laiyqty baǵalaryn aldy.
«Ishki saiasattyń úzdik basshysy» atalymyna - Kerbýlaq aýdanyń ishki saiasat bóliminiń basshysy Gúlmira Dúisenbekqyzy ie bolsa, «Ishki saiasattyń úzdik basshysy» - Taldyqorǵan qalasynyń ishki saiasat bóliminiń bastyǵy Ádilet Rymtaevqa buiyrdy. Júldeli III - oryn «Ishki saiasattyń úzdik basshysy» ataýyna Tekeli qalasynyń ishki saiasat bóliminiń jetekshisi - Nurjamal Abdrahmanqyzy laiyqty bolyp tabyldy. Al, II - oryn «Ishki saiasattyń úzdik basshysy» ataǵy - Qarasai aýdanyń ishki saiasat bóliminiń basshysy Amina Adrahmanovaǵa tiesili boldy. Biik tuǵyr, I - oryn «Ishki saiasattyń úzdik basshysy» degen ataý Jambyl aýdanyń ishki saiasat bóliminiń basshysy - Aitkúl Jumaǵaliqyzyna buiyrdy.
Syi-siiapat alǵan kóshbasshylardyń qatarynan aýdan, qala ákimderi de kórindi.
Balqash aýdanynyń ákimi Ǵalym Toqpeiisov - «Qoǵamdyq turaqtylyq pen kelisim» nominatsiiasynyń iegeri atandy. III-oryn Eńbekshiqazaq aýdanynyń ákimi Bináli Ábdyqapasulynyń qanjyǵasyna bailandy. II- oryn Panfilov aýdanynyń ákimi Talǵat Ábenulyna tiesili bolsa, halyqpen árkez ashyq bailanysta bolatyn Tekeli qalasynyń ákimi Baqtiiar Ónerbaev I- oryndy ielendi.
Memlekettik memkemelerdegi jasalynyp jatqan jumystardy halyqqa jetkizip, aqparatpen qamtamasyz etip júrgen, «arqalaǵany altyn, jegeni jantaq» bolǵan baspasóz-hatshylarynyń ishindegi bilimi men biligi qatar shapqan talantty jastarǵa da arnaiy diplomdar tabystaldy.
Sarqan aýdanynyń baspasóz-hatshysy Oljas Qurmashev «Eń operativti baspasóz hatshysy» atansa, «Úzdik aqparattyq baspasóz hatshysy» Kóksý aýdanynyń baspasóz-hatshysy - Aigúl Aimanbekovaǵa buiyrdy. «Jyl Serpini» nominatsiiasyn Eskeldi aýdanynyń baspasóz-hatshysy - Alima Muratqyzy aldy. III – oryn Aidyndy Alakól baspasóz-hatshysy Aidana Tynysbekovanyń qorjynyna tústi. II - oryndy Panfilov aýdanynyń baspasóz-hatshysy - Nurbol Hanaǵat iemdense, I dárejeli diplomdy Eńbekshiqazaq aýdanynyń baspasóz-hatshysy Dinara Tiýlemisova taqymyna basty.
Osylaisha, Jetisý jeriniń damýyna yqpal etip, aianbai ter tógip júrgen sańlaqtar ózderine tiesili tuǵyryna shyqty. Sharanyń sońy jabyq túrde ótken seminar-treningke ulasty.
Anar SABYROVA
