QazUÝ-dyń zertteý ýnıversıtetine aınalýynyń mańyzdy quramdas bóligi barlyq bıznes-úderisterdi sandyq formatqa kóshirý boldy. Sońǵy jyldary ýnıversıtette «aqyldy» aqparattyq-kommýnıkasıalyq ınfraqurylym jáne smart-kampýs quryldy, bultty jáne mobıldi tehnologıalar engizildi, al İT-qyzmetterdi damytý JOO-ny sapaly jańa sandyq deńgeıge shyǵardy.
Bul oqý úderisin qazirgi sabaq kestesi boıynsha qashyqtyqtan oqytý túrine jedel aýystyrýǵa múmkindik berdi.
Ýnıversıtettiń zamanaýı jáne damyǵan IT-ınfraqurylymy barlyq stýdentterdi qashyqtyqtan oqytýǵa qamtýǵa múmkindik beredi.
Bul úshin «Ýnıver 2.0», «Moodle» aqparatttyq-bilim berý platformalary paıdalanylýda. «Ýnıver 2.0» QazUÝ-dyń ınovasıalyq ázirlemesi bolyp tabylady. Baǵdarlamalyq keshen pánderdiń kýrstary men oqý-ádistemelik keshenderiniń bazasyn qalyptastyrý, jeke nemese toptyq dárister ótkizý, tapsyrmalar berý, stýdentterge olardyń oryndalýyn qadaǵalaý, kýrsty meńgerý dárejesin baǵalaý jáne basqa da múmkindikter beredi.
Sonymen qatar, bizdiń ýnıversıtettiń programmısteri «Ýnıver 2.0» júıesiniń álemdegi eń tanymal «Moodle» qashyqtyqtan oqytý júıesimen biregeı ıntegrasıasyn júzege asyrdy», – dep atap ótti oqý isi jónindegi prorektor Asqar Hıkmetov.
Prorektordyń aıtýynsha, onlaın-tyńdaýshylardyń úlken aǵynyn qoldaý úshin onyń aýqymyn jyldam keńeıtip, oqytýshymen jeke aqpar almasý quraldaryn qoldaný, topta talqylaý, kez kelgen formattaǵy faıldarmen almasý júıeniń artyqshylyǵy bolyp tabylady.
«Qashyqtyqtan oqytýǵa kóshýge baılanysty qandaı da bir qıyndyqtardy bastan keshirip otyrǵan joqpyz. Sondaı-aq, burynǵy keste boıynsha, tek qashyqtyqtan oqýdamyz, júıe bizge yńǵaıly, oqytýdyń jańa formatyn meńgeretin bolamyz», – dedi 3 kýrs stýdenti Kamıla Qojahmetova.
Stýdentter úılerinde barlyq stýdentterge joǵary jyldamdyqty ınternetke tegin qol jetkizý qamtamasyz etilgen.
Jaǵdaıattyq basqarý ortalyǵy qashyqtyqtan bilim berý úderisin baqylaý men monıtorıńti júzege asyrýda. Qashyqtyqtan oqytý múmkindikteri QazUÝ men «Microsoft» arasynda ornaǵan yntymaqtastyqtyqtyń jemisti nátıjesi. Álemdik tanymal IT-kompanıamen birlesken jumystyń jáne «Office 365» baǵdarlamalyq ónimin engizýdiń arqasynda stýdentter men oqytýshylar bilim alý úshin «Microsoft Teams» servısin paıdalana alady.
Ál-Farabı atyndaǵy QazUÝ áleýmettik jaýapkershilik sheńberinde qashyqtyqtan oqytý tehnologıalaryn qoldana otyryp, oqytýdy júzege asyrý úshin resýrstary joq basqa oqý oryndaryna óz platformasyn usynýǵa daıyn.
