قازۇۋ-دىڭ زەرتتەۋ ۋنيۆەرسيتەتىنە اينالۋىنىڭ ماڭىزدى قۇرامداس بولىگى بارلىق بيزنەس-ۇدەرىستەردى ساندىق فورماتقا كوشىرۋ بولدى. سوڭعى جىلدارى ۋنيۆەرسيتەتتە «اقىلدى» اقپاراتتىق-كوممۋنيكاسيالىق ينفراقۇرىلىم جانە smart-كامپۋس قۇرىلدى، بۇلتتى جانە ءموبيلدى تەحنولوگيالار ەنگىزىلدى، ال ىت-قىزمەتتەردى دامىتۋ جوو-نى ساپالى جاڭا ساندىق دەڭگەيگە شىعاردى.
بۇل وقۋ ۇدەرىسىن قازىرگى ساباق كەستەسى بويىنشا قاشىقتىقتان وقىتۋ تۇرىنە جەدەل اۋىستىرۋعا مۇمكىندىك بەردى.
ۋنيۆەرسيتەتتىڭ زاماناۋي جانە دامىعان IT-ينفراقۇرىلىمى بارلىق ستۋدەنتتەردى قاشىقتىقتان وقىتۋعا قامتۋعا مۇمكىندىك بەرەدى.
بۇل ءۇشىن «ۋنيۆەر 2.0»، «Moodle» ءاقپاراتتتىق-بىلىم بەرۋ پلاتفورمالارى پايدالانىلۋدا. «ۋنيۆەر 2.0» قازۇۋ-دىڭ يننوۆاسيالىق ازىرلەمەسى بولىپ تابىلادى. باعدارلامالىق كەشەن پاندەردىڭ كۋرستارى مەن وقۋ-ادىستەمەلىك كەشەندەرىنىڭ بازاسىن قالىپتاستىرۋ، جەكە نەمەسە توپتىق دارىستەر وتكىزۋ، تاپسىرمالار بەرۋ، ستۋدەنتتەرگە ولاردىڭ ورىندالۋىن قاداعالاۋ، كۋرستى مەڭگەرۋ دارەجەسىن باعالاۋ جانە باسقا دا مۇمكىندىكتەر بەرەدى.
سونىمەن قاتار، ءبىزدىڭ ۋنيۆەرسيتەتتىڭ پروگرامميستەرى «ۋنيۆەر 2.0» جۇيەسىنىڭ الەمدەگى ەڭ تانىمال «Moodle» قاشىقتىقتان وقىتۋ جۇيەسىمەن بىرەگەي ينتەگراسياسىن جۇزەگە اسىردى»، – دەپ اتاپ ءوتتى وقۋ ءىسى جونىندەگى پرورەكتور اسقار حيكمەتوۆ.
پرورەكتوردىڭ ايتۋىنشا، ونلاين-تىڭداۋشىلاردىڭ ۇلكەن اعىنىن قولداۋ ءۇشىن ونىڭ اۋقىمىن جىلدام كەڭەيتىپ، وقىتۋشىمەن جەكە اقپار الماسۋ قۇرالدارىن قولدانۋ، توپتا تالقىلاۋ، كەز كەلگەن فورماتتاعى فايلدارمەن الماسۋ جۇيەنىڭ ارتىقشىلىعى بولىپ تابىلادى.
«قاشىقتىقتان وقىتۋعا كوشۋگە بايلانىستى قانداي دا ءبىر قيىندىقتاردى باستان كەشىرىپ وتىرعان جوقپىز. سونداي-اق، بۇرىنعى كەستە بويىنشا، تەك قاشىقتىقتان وقۋدامىز، جۇيە بىزگە ىڭعايلى، وقىتۋدىڭ جاڭا فورماتىن مەڭگەرەتىن بولامىز»، – دەدى 3 كۋرس ستۋدەنتى كاميلا قوجاحمەتوۆا.
ستۋدەنتتەر ۇيلەرىندە بارلىق ستۋدەنتتەرگە جوعارى جىلدامدىقتى ينتەرنەتكە تەگىن قول جەتكىزۋ قامتاماسىز ەتىلگەن.
جاعداياتتىق باسقارۋ ورتالىعى قاشىقتىقتان ءبىلىم بەرۋ ۇدەرىسىن باقىلاۋ مەن مونيتورينگتى جۇزەگە اسىرۋدا. قاشىقتىقتان وقىتۋ مۇمكىندىكتەرى قازۇۋ مەن «Microsoft» اراسىندا ورناعان ىنتىماقتاستىقتىقتىڭ جەمىستى ناتيجەسى. الەمدىك تانىمال IT-كومپانيامەن بىرلەسكەن جۇمىستىڭ جانە «Office 365» باعدارلامالىق ءونىمىن ەنگىزۋدىڭ ارقاسىندا ستۋدەنتتەر مەن وقىتۋشىلار ءبىلىم الۋ ءۇشىن «Microsoft Teams» سەرۆيسىن پايدالانا الادى.
ءال-فارابي اتىنداعى قازۇۋ الەۋمەتتىك جاۋاپكەرشىلىك شەڭبەرىندە قاشىقتىقتان وقىتۋ تەحنولوگيالارىن قولدانا وتىرىپ، وقىتۋدى جۇزەگە اسىرۋ ءۇشىن رەسۋرستارى جوق باسقا وقۋ ورىندارىنا ءوز پلاتفورماسىن ۇسىنۋعا دايىن.
