Taiaýda Almaty oblysy, Eńbekshiqazaq aýdanynyń aýmaǵynda jańa volframdy qaita óńdeý zaýyty ashyldy. Bul oqiǵa Qazaqstannyń taý-ken óndirisi úshin airyqsha mańyzdy kezeń bolyp tabylady. Zaýyttyń ashylýy elimizdiń álemdik sirek metaldar naryǵyndaǵy pozitsiiasyn nyǵaityp, tabiǵi resýrstardy tiimdi paidalaný men óńdeýde jańa múmkindikterge jol ashady, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Jobanyń quny 300 million dollardy quraidy jáne halyqaralyq ekologiialyq ári óndiristik standarttar eskerile otyryp júzege asyryldy. Jobanyń jetekshisi bolyp TOO «Aral Kegen» kompaniiasy tabylady, al onyń basym aktsionerleri halyqaralyq holding Jiaxin International Resources Investment Ltd. quramyna kiretin iri kompaniialar: Jiangxi Copper Corporation, China Railway Construction Company, China Civil Engineering Construction Company jáne Ever Trillion International Singapore PTE LTD.
Zaýyt tolyq qýatyna shyqqan kezde jylyna 3,3 million tonna rýdany qaita óńdep, volfram kontsentratynyń 65% úlesin shyǵaratyn bolady. Bul elimizdiń volfram óndirý salasyndaǵy áleýetin arttyryp, álemdik naryqta básekege qabilettiligin kúsheitedi. Sonymen qatar, joba jergilikti halyqqa 1000-ǵa deiin turaqty jumys orny usynyp, áleýmettik-ekonomikalyq jaǵdaidy jaqsartýǵa yqpal etedi.
Shlam saqtaý oryndary – 60% daiyndyq
Taý-ken baiytý fabrikasy – 60% daiyndyq
Syrtqy sý tartý obektileri – 85% daiyndyq
Syrtqy elektrmen jabdyqtaý – 100% daiyndyq (110 kV jelisine qosylǵan)
Ishki elektrmen jabdyqtaý – 90% daiyndyq
Bul kórsetkishter jobanyń tehnikalyq jáne óndiristik protsesteriniń joǵary sapada iske asyrylyp jatqanyn dáleldeidi.
Zaýyttyń alǵashqy kezeńinde volfram kontsentratsiiasynyń úlesi 65% deńgeiinde bolady. Alaida kompaniianyń aldaǵy jospary bul kórsetkishti 88,5%-ǵa deiin arttyrý jáne joǵary tazalyqtaǵy volfram karbidin óndirýge baǵyttalǵan tereń óńdeý keshenin salý bolyp tabylady. Osy maqsatqa jetý úshin 150 million dollar kóleminde jańa investitsiialar tartý josparlanýda.
Bul qadam zaýytty ári qarai damytýǵa jáne ónimniń sapasyn arttyrýǵa, sondai-aq Qazaqstandy álemdegi jetekshi volfram óndirýshiler qatarynda ornalastyrýǵa múmkindik beredi.
Zaýyttyń ashylýy Qazaqstannyń taý-ken ónerkásibinde jańa kezeńdi bastaidy. Qazirgi tańda álemde volframǵa degen suranys artqan saiyn, onyń óndirilýi men óńdeýi de erekshe mańyzdy bolyp tur. Qazaqstan bul jobamen tek óziniń tabiǵi resýrstaryn tiimdi paidalanýdy kózdep qana qoimai, álemdik naryqta jetekshi orynǵa shyǵýdy da josparlaýda.
Qazaqstanda ashylǵan volframdy qaita óńdeý zaýyty – bul taý-ken óndirisiniń damýyna jasalǵan úlken qadam jáne elimizdiń halyqaralyq deńgeide básekege qabilettiligin arttyrýdaǵy mańyzdy bastama. Osy zaýyttyń ashylýy arqyly elimiz álemdik sirek metaldar naryǵyndaǵy ornyn nyǵaityp, ekologiialyq jáne óndiristik standarttarǵa sai joǵary sapaly ónimder óndirýge kóshedi. Bul, óz kezeginde, Qazaqstannyń taý-ken salasynyń bolashaǵyn jarqyn etip, ulttyq ekonomikaǵa aitarlyqtai yqpal etedi.
