Ultymyzdyń kórnekti memleket qairatkeri, qazaq úkimetin 13 jyl basqarǵan, ádil basshy, halyqtyń naǵyz janashyry bola bilgen Nurtas Ońdasynovtyń 120 jyldyǵy elimiz kóleminde keńinen atalyp ótilýde, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ult qairatkerin ulyqtap, rýhyna taǵzym etý úshin arnaiy delegatsiia quramy Saýran aýdanyna baryp, Nurtas Dándibaiulynyń beiit basyna ziiarat etti.
Qoǵam qairatkeriniń máńgilik murasyn jańǵyrtyp, ulttyń damýyna qosqan úlesin ulyqtaý úshin Qazaqstan Jazýshylar odaǵynyń basqarma tóraǵasy Mereke Qulkenov, QR Parlamenti májilisiniń depýtaty Qazybek Isa, aqyn Qasymhan Begmanov, ǵalym, qoǵam qairatkeri, filologiia ǵylymynyń kandidaty Asly Osman, Islam Ábishov, nurtastanýshy ǵalym, jazýshy-jýrnalist Gúlsim Orazalieva men Qoǵamdyq damý basqarmasynyń basshysy Erlan Kúzembaev pen aýdan ákimi Maqsat Tańǵatarov jáne týǵan aýylynan kózin kórgen zamandastary, ziialy qaýym ókilderi qatysty. Túrkistan oblysy boiynsha ókil imam Erjan Tólepov Nurtas Dándibaiulynyń rýhyna beiit basynda Quran baǵyshtady.
Beiresmi tolǵanys jasaǵan ziiarat etýshi ziialy qaýym ókilderi saiasi tulǵanyń rýhyna taǵzym jasap, erekshe qurmetpen gúl shoqtaryn qoidy. Nurtas Ońdasynovtyń esimi Qazaqstannyń damý kezeńimen tyǵyz bailanysty.
Ult qairatkeri elimizdiń munai-gaz salasyn igerý, Qazaq Ǵylym akademiiasy, qyzdar pedagogika institýty, Abai atyndaǵy Opera jáne balet teatry, konservatoriia taǵy ózge nysandardyń ashylýyna uiytqy boldy. Rýhani basqosýda qonaqtar ǵalymnyń ómiri men eńbek jolyndaǵy osyndai estelikterimen bólisti.
