Halyqaralyq ekologtar kúnine orai jastardyń ekologiialyq mádenietin qalyptastyrý, qorshaǵan ortany qorǵaý máselelerine qoǵam nazaryn aýdarý jáne tabiǵatqa degen jaýapkershilik kózqarasty damytý maqsatynda «Ekolog saǵaty» taqyrybynda kezdesý uiymdastyryldy, dep habarlaidy dalanews.kz.
Is-shara barysynda qatysýshylarǵa ekologiialyq qaýipsizdiktiń mańyzdylyǵy, tabiǵi resýrstardy tiimdi paidalaný, qorshaǵan ortany qorǵaý baǵytyndaǵy memlekettik saiasat jáne árbir azamattyń ekologiialyq jaýapkershiligi jóninde keńinen aqparat berildi. Sonymen qatar, dúniejúzilik deńgeide ótkiziletin «Ekolog saǵaty» halyqaralyq ekologiialyq aktsiiasynyń negizgi maqsaty men mańyzy túsindirilip, atalǵan bastamanyń qorshaǵan ortany saqtaýǵa qosatyn úlesi týraly aityldy.
Kezdesýdiń spikeri – Ekologiia departamentiniń memlekettik ekologiialyq inspektorynyń bas maman Ahmetjanova Móldir Meiirhatqyzy jastarmen ashyq formatta pikir almasyp, óńirdegi ekologiialyq ahýal, tabiǵatty qorǵaý sharalary jáne qorshaǵan ortany lastaýdyń aldyn alý baǵytynda atqarylyp jatqan jumystar jóninde baiandama jasady. Sondai-aq spiker jastardy ekologiialyq aktsiialarǵa belsendi qatysýǵa, qorshaǵan ortaǵa uqypty qaraýǵa jáne kúndelikti ómirde ekologiialyq ádetterdi qalyptastyrýǵa shaqyrdy.
Kezdesý barysynda qatysýshylar ekologiia salasyna qatysty ózderin qyzyqtyrǵan suraqtaryn qoiyp, mamannan naqty jaýaptar aldy. Ashyq dialog alańy jastardyń ekologiialyq máselelerge degen qyzyǵýshylyǵyn arttyryp, tabiǵatty qorǵaý isindegi azamattyq jaýapkershiliktiń mańyzyn túsinýge múmkindik berdi.
Shara qorytyndysynda qatysýshylarǵa qorshaǵan ortany qorǵaý tek memlekettik organdardyń ǵana emes, árbir azamattyń ortaq mindeti ekendigi túsindirilip, tabiǵatty aialaý men ekologiialyq mádenietti qalyptastyrý baǵytyndaǵy jumystardy júieli túrde jalǵastyrý qajettigi atap ótildi. Atalǵan kezdesý jastar arasynda ekologiialyq saýattylyqty arttyrýǵa, qorshaǵan ortaǵa janashyrlyq kózqarasty nyǵaitýǵa jáne «Chas Zemli» aktsiiasynyń qundylyqtaryn keńinen nasihattaýǵa óz úlesin qosty.
