Amerikalyq akter Djeims Hendi Los-Andjeleste jasalǵan shabýyl saldarynan qaza tapty, dep dalanews.kz tilshisi Los Angeles Times basylymyna silteme jasap habarlaidy.
Basylym málimetinshe, 3 maýsym kúni tańerteń politsiia Tarzana aýdanyna shaqyrtý boiynsha barǵan. Qońyraý shalǵan er adam "jańa ǵana kúnáli adamdy óltirgenin" aitqan.
Oqiǵa ornyna jetken tártip saqshylary 81 jastaǵy akterdi óz úiiniń aýlasynan pyshaq jaraqattarymen tapqan. Hendi aýyr jaǵdaida aýrýhanaǵa jetkizilgenimen, dárigerler onyń ómirin saqtap qala almady.
Kisi óltirdi degen kúdikpen 44 jastaǵy Maikl Gledhill ustaldy. Tergeý málimetinshe, ol politseilerge ózi izdeýde júrgen adam ekenin aitqan. Qazir oǵan kisi óltirý boiynsha aiyp taǵyldy. Kepil somasy 2 million dollar kóleminde belgilendi.
Amerikalyq BAQ-tyń jazýynsha, Gledhill buǵan deiin aktermen qarym-qatynasta bolǵan áieldiń uly bolyp shyqqan.
Djeims Hendi 1980-1990 jyldardaǵy tanymal filmder men serialdardaǵy qosalqy rólderi arqyly kórermenge jaqsy tanys. Ol shyǵarmashylyq jolynda ondaǵan kinotýyndy men telehikaiaǵa túsken.
Keń aýditoriia akterdi "K-9: It jumysy" jáne "Djýmandji" filmderi arqyly da biledi. Onyń sońǵy iri jumystarynyń biri "Top Gan: Meverik" blokbasteri boldy. Bul filmde ol barmen Djimmidiń rólin somdaǵan.
