Jylyjai kesheniniń jalpy aýdany 5,1 gektardy quraidy. Sharanyń ashylý saltanatyna «Agrarlyq nesie korporatsiiasy» AQ basqarma tóraǵasy Aibolat Ábenov, Almaty oblysynyń aýyl sharýashylyǵy basqarmasynyń bastyǵy Maqsut Japarov, Qarasai aýdanynyń ákimi Jandarbek Dalabaev jáne «Eurasian Green Product» kompaniiasynyń damý jáne strategiialyq josparlaý jónindegi direktory Jandos Tursynǵaliev qatysty.
Aibolat Ábenov óziniń quttyqtaý sózinde memlekettiń qarjy institýty atalmysh nysanǵa qolaily sharttarmen qarajat bólgenin atap ótti.
- Búgin biz óz jemisin bere bastaǵan jylyjai kesheniniń ashylý saltanatyna qatysyp otyrǵanymyzǵa óte qýanyshtymyz. Qazir kompaniia taýardy jergilikti naryqqa jáne shetelge jetkizedi. Bul óte jaqsy kórsetkish, - dedi Aibolat Ábenov.
Óz kezeginde Qarasai aýdanynyń ákimi Jandarbek Dalabaev jergilikti biýdjetke salyq túsimderi 100 mln. teńgeden asatynyn habarlady.
Jylyjaida 5 gektar jerge qyzanaq egilgen. Munda jylyna 3 myń tonna qyzanaq óndiriletin bolady.
Jylyjai kesheni zamanaýi tehnologiialarmen jabdyqtalǵan, onda jańa ári dámdi qyzanaq ósirý úshin avtomattandyrylǵan, qolaily klimattyq jaǵdai jasalǵan.
«Eurasian Green Produst» JShS-nyń damý jáne strategiialyq josparlaý jónindegi direktory Jandos Tursynǵalievtiń aitýynsha, olardyń ónimderi joǵary dámdik kórsetkishtermen erekshelenedi.
- 2018 jyly biz jylyjai kesheniniń qurylysyn bastadyq. Munda «Van der Hoeven» kompaniiasynyń ádisi qoldanylady.
Bul jylyjailardyń artyqshylyǵy - klimattyń jaqsy basqarylýy, energiiany ońtaily paidalaný, sondai-aq qorǵaý quraldaryn az qoldaný. Egiletin qyzanaq sorttary - «Merlis» jáne «Melaneza». Eń bastysy - kókónis ósirý kezinde biz himiialyq qospalarsyz tabiǵi ádisti qoldanamyz, nátijesinde ekologiialyq taza ónim beredi, - dedi Jandos Tursynǵaliev.
Bolashaqta kompaniia 2 satyly jylyjai keshenin salýdy josparlap otyr. Jylyjai keńeitilgennen keiin jetisýlyqtardy qyzanaqpen ǵana emes, qiiarmen de qamtamasyz etetin bolady.
Qurylystyń úshinshi kezeńinde 5000 sharshy metrdi kezeń-kezeńmen iske qosa otyryp, qoldanystaǵy 17 ga ýchaskede kókónis qoimasy salynatyn bolady.
Búgingi kúni kompaniiada 100 jergilikti turǵyn jumys isteidi. Olar óz isiniń sheberi, ýaqyttaryn aiamai, adal eńbektenip keledi. Olardyń tabandy eńbekteriniń arqasynda qala turǵyndary eń dámdi qyzanaqty satyp alýda.
- Bizdiń aýdanda osyndai jylyjai salynǵanyna óte qýanyshtymyz. Munyń bári qosymsha jumys oryndary. Jumys qiyn emes. Biz kún saiyn jaqsy ónim jinaimyz», - dep atap ótti kókónis ósirýshi Ainur Baldaeva.
Esterińizge sala keteiik, Almaty oblysynda jylyjai sharýashylyǵy jaqsy damý ústinde, búginde 103,1 gektarǵa 102 jylyjaidan keledi. 2020 jyldyń qorytyndysy boiynsha ónimniń jalpy túsimi 35,2 myń tonnany qurady, biyl 41,2 myń tonna jinaý josparlanyp otyr.
Maýsymaralyq kezeńde halyqty jańa pisken kókónistermen qamtamasyz etý maqsatynda jylyjai fermalarynyń aýmaǵyn ulǵaitý jumystary júrgizilýde. Iaǵni, 2021 jyly Uiǵyr aýdanynda taǵy 2 jylyjai iske qosylmaq.
Aýyl sharýashylyǵy taýaryn óndirýshilerge, sondai-aq jylyjai sharýashylyqtaryna mineraldy tyńaitqyshtardy sýbsidiialaýdyń 50%-ǵa deiingi jáne pestitsidterdi sýbsidiialaýdyń 40%-ǵa deiingi shyǵyndaryn óteý úshin memleket tarapynan aitarlyqtai qoldaý kórsetilýde. Buǵan qosa, investorlardyń jylyjailardy salýǵa jáne keńeitýge jumsaǵan shyǵyndarynyń 25%-y óteletin bolady.
