Elorda turǵyndary «Delta» shtammynyń qaýiptiligin túsinip, jappai vaktsina alýda
Mamandardyń aitýynsha «Delta» shtammy paida bolǵannan keiin jurttyń kópshiligi densaýlyǵyna asqan jaýapkershilikpen qarai bastaǵan.
– Vaktsinanyń alǵashqy dozasyn 24 maýsymdaǵy jaǵdai boiynsha 190,5 myńnan astam azamat aldy. Turǵyndar óz densaýlyǵyna jáne ózgelerdiń densaýlyǵyna jaýapty ekenin túsinip keledi. Biz muny «Delta» shtammynyń (úndi shtammy degen ataýmen belgili) qaýiptiligin túsine bastaǵandyǵymen bailanystyramyz, – dedi Qoǵamdyq densaýlyq saqtaý basqarmasy.
Qala turǵyndaryn yntalandyrý úshin SOO-lar men saýda úilerinde kompiýterlik jáne turmystyq tehnika, jeńildik kýpondary men sertifikattar túrindegi baǵaly syilyqtar oinatylady. Bul aktsiiaǵa jaqynda «Mechta» elektronika jáne turmystyq tehnika dúkenderiniń saýda jelisi qosylady.
Mysaly, «Mega Silk Way» SOO vaktsinanyń birinshi dozasyn alǵandar arasynda avtomobildiń utys oiyny ótetinin jariialady. Osyǵan bailanysty vaktsinatsiialaǵysy keletinderdiń aitarlyqtai ósýi baiqalady. Ótken táýliktiń ózinde 450-ge jýyq adam vaktsina aldy. Osyǵan deiin vaktsinatsiialanǵandardyń sany eki jarym ese az bolatyn.
– Biz vaktsinatsiia pýnktterinde ekpe alǵysy keletinderdiń sany artyp kele jatqanyn kórip otyrmyz. Mysaly, «Eýraziia» saýda úiinde buryn kúnine 50-60 adam egilse, keshe shamamen 100 adam qabyldadyq. Sondai-aq, emhanalarymyzda da vaktsinatsiianyń ósýi baiqalady. Keshe keshke 50-den astam adam egildi, al ótken táýlikte vaktsinatsiialanǵandardyń sany 100-ge deiin ósti. Qala turǵyndary jańa shtammdy juqtyrmas úshin qaýiptenip, óz densaýlyǵyna jaýapkershilikpen qarai bastaǵany bizdi qatty qýantady, – deidi qalalyq №6 emhananyń direktory Dinara Baiserkina.
Eske sala keteiik, elorda ákimi Altai Kólginov vaktsinatsiialanatyndar arasynda (jeke qarajat esebinen) eki bólmeli páterdiń utys oiyny ótkiziletinin jariialaǵan bolatyn. Utys oiynyna osy jyldyń 25 maýsymy men 31 tamyzy aralyǵynda vaktsinanyń birinshi komponentin alatyn 18 jastan asqan azamattar qatysa alady.
Bul aktsiiaǵa meditsinalyq mekemeler, sondai-aq SOO/SÚ siiaqty qalanyń vaktsinatsiia pýnktterinde ekpe alǵandar qatysa alady. Konkýrsty ádil ótkizý jáne vaktsinatsiialanǵandardy tolyq qamtý úshin (kórsetilgen kezeńde) qalanyń IT-qoǵamdastyǵy jumyldyrylatyn bolady.
