2021 jylǵy 21-25 maýsym aralyǵynda Abaı atyndaǵy QazUPÝ-da Jambyl oblysynyń bilim basqarmasymen yntymaqtastyq aıasynda osy óńirdegi orta bilim berý uıymdarynyń qazaq tili men ádebıeti muǵalimderine arnalǵan «Esse: sheberlik pen úılesimdilik» kýrsy ótkizildi. Kýrsqa orta bilim berý uıymdarynyń 88 muǵalimi qatysty.

Kýrs spıkeri Abaı atyndaǵy Qazaq ulttyq pedagogıkalyq ýnıversıtetiniń aǵa oqytýshysy, «Bolashaq» baǵdarlamasynyń túlegi, «Akademıalyq jazylym» eńbeginiń avtory Edilbaı Ospanov boldy.

Edilbaı Ospanov kýrs qatysýshylaryna esse jazýdyń qyr-syryn jan-jaqty taldap, ǵylymı deńgeıde túsindirdi. Kýrs sońynda barlyq qatysýshy muǵalimderge sertıfıkat jáne Edilbaı Ospanovtyń «Akademıalyq jazylym» eńbegi tabystaldy.