Qazirgi kezde atalǵan aviatsiia qyzmeti barlyq oblys ortalyqtarynda ornalasqan 24 ushaq pen 13 tikushaqty paidalanady. Olardyń barlyǵy Qazaqstan Respýblikasynyń Azamattyq aviatsiia komitetinde sertifikattalǵan.
Nazigúl Yrymbaeva atap ótkendei, árbir kezekshilik – qutqarylǵan ómir. Dál osy meditsinalyq aviatsiia marshrýttyń qiyndyǵyna qaramastan, kómekke muqtaj jerlerge ushyp keledi. Barlyq ushaqtar men tikushaqtar joǵary tehnologiialyq zamanaýi meditsinalyq jabdyqtarmen tolyq jabdyqtalǵan, bul patsientterge neǵurlym yńǵaily, qaýipsiz jáne barynsha jyldam meditsinalyq kómek kórsetýge yqpal etedi.
– 2011 jyldan bastap 2021 jyldyń qyrkúiegine deiingi barlyq qyzmet kezeńinde meditsinalyq aviatsiia jelisi boiynsha oryndalǵan ushýlar sany 20 161 ushýdy qurady. Ushý sany jyl saiyn artyp keledi. Aviatsiianyń arqasynda bizde avtokólikten eki nemese úsh ese jyldam jerde bolý múmkindigi paida bolady. Patsientti tasymaldaý týraly sóz bolǵanda, bul sheshýshi faktorǵa ainalýy múmkin, – dep atap ótti Nazigúl Yrymbaeva.
Medaviatsiia jetistikteriniń tiziminde 35 operatsiia, donorlyq organdardy alý jáne tasymaldaý úshin 75 ushý júzege asyryldy. Aita ketý kerek, El ishindegi shaqyrýlardan basqa, dárigerler QR azamattary men shetelde qiyn jaǵdaidaǵy qandastardy halyqaralyq tasymaldaýdy júzege asyrady. Búkil kezeń ishinde álemniń 24 eline 90 sheteldik ushý oryndaldy.
Nazigúl Yrymbaeva jyl saiyn respýblikada medaviatsiiaǵa shaqyrýlar sany birtindep artyp kele jatqanyn habarlady. Bul halyqtyń habardar bolýynyń artqanyn kórsetedi.
– 2011 jyldan bastap qazirgi ýaqytqa deiin 26 576 patsientke meditsinalyq kómek kórsetildi. Patsientterdiń jalpy sanynyń 22%-y – patologiiasy bar balalar, 20%-y - DP, jazataiym oqiǵalar men ýlanýlar nátijesinde jaraqattary bar patsientter, 17%-y-akýsherlik praktikadaǵy shuǵyl jaǵdailar boiynsha patsientter, 16%-y-qan ainalymy júiesi aýrýlarymen, 14%-y-jańa týǵan náresteler jáne 11%-y-ózge de aýrýlarmen. Bul tek sandar ǵana emes, ár ushýdyń artynda ýaqytyly jedel meditsinalyq kómek kórsetilgen adamdardyń taǵdyry tur, – dep atap ótti meditsinalyq bólimniń meńgerýshisi.
Barlyǵy 28 860 meditsinalyq qyzmet kórsetildi, onyń ishinde: 19 286 patsient meditsinalyq uiymdarǵa tasymaldandy, 1526 operatsiia jasaldy, 4242 kúndizgi keńes ótkizildi.
Shuǵyl meditsinalyq kómek Densaýlyq saqtaý júiesiniń mańyzdy býyny boldy jáne bolyp qala beredi, onyń jumysynyń tiimdiligine halyqtyń densaýlyǵy men ómirin saqtaý aitarlyqtai táýeldi. Ony uiymdastyrý deńgeii ana men bala ólimi, infarkt, insýlt jáne basqa da kóptegen mańyzdy kórsetkishterdiń tómendeýine tikelei áser etedi.
Nazigúl Yrymbaevanyń aitýynsha, pandemiiaǵa bailanysty medaviatsiia brigadalary koronavirýspen aýyratyn naýqastardy tasymaldaýǵa daiyn.
– Áýe kemeleriniń bortynda biz patsientterdiń de, meditsina qyzmetkerleriniń de infektsiialyq qaýipsizdigin qamtamasyz etemiz. COVID-19 bar patsientterdi tasymaldaǵannan keiin áýe jáne jer ústi kóligin sanitarlyq óńdeýge erekshe kóńil bólinedi, – dedi spiker.
Meditsinalyq aviatsiia qyzmeti COVID-19 koronavirýs infektsiiasymen kúres aiasynda 2020 jylǵy naýryzdan bastap jáne 2021 jylǵy 9 aida 249 ushýdy júzege asyrdy, 1160 patsientke kómek kórsetti.
Sózin qorytyndylai kele, Nazigúl Yrymbaeva Sitýatsiialyq ortalyqtyń táýlik boiy jumys istep jatqanyn, onyń mamandary saraptamalyq toppen birlesip, turaqty negizde anesteziologiia, reanimatsiia jáne qarqyndy terapiia bólimshesindegi pnevmoniianyń aýyr túrimen aýyratyn jaǵdaiy aýyr patsientterge kúndelikti monitoring jáne taldaý júrgizetinin habarlady. Jyl basynan meditsina mamandary mundai patsientter úshin 182 872 keńes ótkizdi.
