Erjan Babaqumarov kámeletke tolmaǵandardy psihologiialyq qoldaý máseleleri jónindegi shtabtyń otyrysyn ótkizdi
Balalardyń psihologiialyq densaýlyǵyn jáne qiyn jaǵdailardy eńserý boiynsha ómirlik daǵdylardy qalyptastyrý, sondai-aq kámeletke tolmaǵandar arasynda aýtodestrýktivti minez-qulyqtyń aldyn alý boiynsha qabyldanatyn sharalar qaraldy.
Almatynyń Bilim basqarmasy orta bilim berý uiymdarynyń bazasynda jumys isteitin psihologiialyq qyzmetter jumysynyń tiimdiligin arttyrý boiynsha jumys júrgizýde. 207 mektepte 365 psiholog, 207 áleýmettik pedagog jumys isteidi. 286 psiholog kámeletke tolmaǵandarmen qarym-qatynastyń jańa formattaryna oqytyldy, osy baǵyttaǵy jumys jalǵasýda. Sonymen qatar, jasóspirimderdiń psihologiialyq densaýlyq týraly habardarlyǵyn ulǵaitý baǵdarlamasy iske asyrylýda, ata-analarmen kámeletke tolmaǵandardy tárbieleýdegi ortaq jaýapkershilikti arttyrý maqsatynda túsindirý jumystary júrgizilýde.
Sonymen qatar, ómirlik qiyn jaǵdaiǵa tap bolǵan, mysaly, pandemiia kezinde densaýlyǵyna bailanysty problemalary bar ári jaqyndary men týystarynan aiyrylǵan, ata-anasy ajyrasqan jáne basqa da balalarǵa áleýmettik-psihologiialyq-pedagogikalyq qoldaý qyzmetin engizý boiynsha jumys aiaqtalyp jatyr.
Pedagogtardyń keshendi jumysynyń jáne áleýmettik-psihologiialyq-pedagogikalyq qoldaýdyń arqasynda bala-ata-ana jáne otbasy-turmystyq janjaldardy sheshýde kámeletke tolmaǵandarǵa qoldaý kórsetý jáne kómek kórsetý sapasy artyp, qandai da bir túrde aýtodestrýktivti minez-qulyq nysandarymen qatar júretin bolady.
«Bilim Foundation» qoǵamdyq qorynyń atqarýshy direktory Janat Dosjanova BFline.org platformasyndaǵy psihologiialyq qoldaý qyzmeti jáne 8 (800) 00 40 150 jedel telefonynyń táýlik boiy jumys jasaityny týraly habarlady.
Mamandardyń kómegi tegin, qupiia, onlain jáne oflain formattarda usynylady. Qiyn nemese oǵash jaǵdaiǵa tap bolǵan balalar; qarym-qatynastaǵy qiyndyqtar nemese qorqynysh, alańdaýshylyq, stress; sondai-aq kómek pen qoldaýdy qajet etetin balalar keńesshilerge júgine alady (shyn aty-jóni habarlanbaidy, kez-kelgen adam jasyryn túrde ózin tanystyra alady). Keńesshiler psihologiialyq qoldaý kórsetedi. Kámeletke tolmaǵandardyń ata-analary da keńes ala alady.
Shtabtyń jumysyna prokýratýra, iývenaldy politsiia, qalanyń Qoǵamdyq densaýlyq basqarmasy, Psihikalyq densaýlyq ortalyǵy, aýdandyq bilim berý bólimderiniń ókilderi, birqatar beiindi ÚEU qatysty.
Erjan Babaqumarov qysqa merzimde barlyq mektep psihologtarynyń oqytý jáne biliktiligin arttyrý kezeńin aiaqtaýdy tapsyrdy jáne «táýekel toptary» tulǵalaryn erte anyqtaý jumysyn uiymdastyrý, olardy qoldaý jáne psihologiialyq ońaltý boiynsha aldyn alý jumystary júiesin qurý boiynsha mindet qoidy.
Taǵy oqyńyz:
