بالالاردىڭ پسيحولوگيالىق دەنساۋلىعىن جانە قيىن جاعدايلاردى ەڭسەرۋ بويىنشا ومىرلىك داعدىلاردى قالىپتاستىرۋ، سونداي-اق كامەلەتكە تولماعاندار اراسىندا اۋتودەسترۋكتيۆتى مىنەز-قۇلىقتىڭ الدىن الۋ بويىنشا قابىلداناتىن شارالار قارالدى.
الماتىنىڭ ءبىلىم باسقارماسى ورتا ءبىلىم بەرۋ ۇيىمدارىنىڭ بازاسىندا جۇمىس ىستەيتىن پسيحولوگيالىق قىزمەتتەر جۇمىسىنىڭ تيىمدىلىگىن ارتتىرۋ بويىنشا جۇمىس جۇرگىزۋدە. 207 مەكتەپتە 365 پسيحولوگ، 207 الەۋمەتتىك پەداگوگ جۇمىس ىستەيدى. 286 پسيحولوگ كامەلەتكە تولماعاندارمەن قارىم-قاتىناستىڭ جاڭا فورماتتارىنا وقىتىلدى، وسى باعىتتاعى جۇمىس جالعاسۋدا. سونىمەن قاتار، جاسوسپىرىمدەردىڭ پسيحولوگيالىق دەنساۋلىق تۋرالى حاباردارلىعىن ۇلعايتۋ باعدارلاماسى ىسكە اسىرىلۋدا، اتا-انالارمەن كامەلەتكە تولماعانداردى تاربيەلەۋدەگى ورتاق جاۋاپكەرشىلىكتى ارتتىرۋ ماقساتىندا ءتۇسىندىرۋ جۇمىستارى جۇرگىزىلۋدە.
سونىمەن قاتار، ومىرلىك قيىن جاعدايعا تاپ بولعان، مىسالى، پاندەميا كەزىندە دەنساۋلىعىنا بايلانىستى پروبلەمالارى بار ءارى جاقىندارى مەن تۋىستارىنان ايىرىلعان، اتا-اناسى اجىراسقان جانە باسقا دا بالالارعا الەۋمەتتىك-پسيحولوگيالىق-پەداگوگيكالىق قولداۋ قىزمەتىن ەنگىزۋ بويىنشا جۇمىس اياقتالىپ جاتىر.
پەداگوگتاردىڭ كەشەندى جۇمىسىنىڭ جانە الەۋمەتتىك-پسيحولوگيالىق-پەداگوگيكالىق قولداۋدىڭ ارقاسىندا بالا-اتا-انا جانە وتباسى-تۇرمىستىق جانجالداردى شەشۋدە كامەلەتكە تولماعاندارعا قولداۋ كورسەتۋ جانە كومەك كورسەتۋ ساپاسى ارتىپ، قانداي دا ءبىر تۇردە اۋتودەسترۋكتيۆتى مىنەز-قۇلىق نىساندارىمەن قاتار جۇرەتىن بولادى.
«Bilim Foundation» قوعامدىق قورىنىڭ اتقارۋشى ديرەكتورى جانات دوسجانوۆا BFline.org پلاتفورماسىنداعى پسيحولوگيالىق قولداۋ قىزمەتى جانە 8 (800) 00 40 150 جەدەل تەلەفونىنىڭ تاۋلىك بويى جۇمىس جاسايتىنى تۋرالى حابارلادى.
مامانداردىڭ كومەگى تەگىن، قۇپيا، ونلاين جانە وفلاين فورماتتاردا ۇسىنىلادى. قيىن نەمەسە وعاش جاعدايعا تاپ بولعان بالالار؛ قارىم-قاتىناستاعى قيىندىقتار نەمەسە قورقىنىش، الاڭداۋشىلىق، سترەسس؛ سونداي-اق كومەك پەن قولداۋدى قاجەت ەتەتىن بالالار كەڭەسشىلەرگە جۇگىنە الادى (شىن ءاتى-جونى حابارلانبايدى، كەز-كەلگەن ادام جاسىرىن تۇردە ءوزىن تانىستىرا الادى). كەڭەسشىلەر پسيحولوگيالىق قولداۋ كورسەتەدى. كامەلەتكە تولماعانداردىڭ اتا-انالارى دا كەڭەس الا الادى.
شتابتىڭ جۇمىسىنا پروكۋراتۋرا، يۋۆەنالدى پوليسيا، قالانىڭ قوعامدىق دەنساۋلىق باسقارماسى، پسيحيكالىق دەنساۋلىق ورتالىعى، اۋداندىق ءبىلىم بەرۋ بولىمدەرىنىڭ وكىلدەرى، ءبىرقاتار بەيىندى ۇەۇ قاتىستى.
ەرجان باباقۇماروۆ قىسقا مەرزىمدە بارلىق مەكتەپ پسيحولوگتارىنىڭ وقىتۋ جانە بىلىكتىلىگىن ارتتىرۋ كەزەڭىن اياقتاۋدى تاپسىردى جانە «تاۋەكەل توپتارى» تۇلعالارىن ەرتە انىقتاۋ جۇمىسىن ۇيىمداستىرۋ، ولاردى قولداۋ جانە پسيحولوگيالىق وڭالتۋ بويىنشا الدىن الۋ جۇمىستارى جۇيەسىن قۇرۋ بويىنشا مىندەت قويدى.
تاعى وقىڭىز:
