Ýniversitetter adami kapitaldy qalyptastyrýdyń mańyzdy sýbektileri retinde rýhani-adamgershilik tárbiege basa nazar aýdara otyryp, ozyq tehnologiialar negizinde bilim berýdiń jańa sapasyn qamtamasyz etýi tiis.
Álemdik mańyzy bar aýqymdy is-sharalar 18-19 qyrkúiekte Qazaqstanda - elimizdiń jetekshi joǵary oqý orny ál-Farabi atyndaǵy QazUÝ-da ótedi.
Olar eń aldymen «Rýhani jańǵyrý» memlekettik baǵdarlamasynyń maqsattaryn iske asyrýǵa, otandyq joǵary bilim berý júiesiniń básekege qabilettiligin arttyrýǵa jáne bilim berý qyzmetterin eksporttaýǵa baǵyttalǵan.
Álemdik ǵylymi-bilim berý keńistigindegi QazUÝ-dyń róli men reitingtegi fenomenaldy serpilisin eskere otyryp, QS Qazaqstan ýniversitetinde «Adami mura jáne joǵary tehnologiialar úilesimi negizinde jetilý» taqyrybynda QS World Wide halyqaralyq forýmyn ótkizýdi sheshti.
Atalǵan forým ǵylym men joǵary bilim berý salasyndaǵy ozyq tájiribelermen almasý jáne taratý boiynsha álemdegi biregei jáne iri platforma bolyp tabylady.
Ál-Farabi atyndaǵy QazUÝ elimizdiń Tuńǵysh Prezidenti – Elbasy Nursultan Nazarbaev qoiǵan mańyzdy memlekettik mindetterdi júzege asyrý boiynsha maqsatty túrde jumys isteýde.
Biyl QazUÝ «World University Rankings» QS dúniejúzilik tanylǵan jáne bedeldi halyqaralyq reitingte Ortalyq Aziia joǵary oqý oryndary arasynan jalǵyz bolyp álemniń úzdik JOO-larynyń qataryna enip, 207 orynǵa ie boldy.
QazUÝ álemniń 130-dan astam jetekshi joǵary oqý oryndaryn biriktiretin Jibek joly ýniversitetteri Aliansynyń teń quryltaishysy bola otyryp, birqatar iri jobalardy iske asyrýda, onyń ishinde halyqaralyq IT-tehnoparkin qurý boiynsha belsendi jumys atqarýda.
Sondyqtan QazUÝ-da osy bedeldi halyqaralyq uiymnyń Bas Assambleiasynyń otyrysyn ótkizý zańdy. Forýmda joǵary bilim berý salasyndaǵy kollaboratsiia men integratsiia, birlesken ǵylymi-bilim berý jáne mádeni-gýmanitarlyq jobalardy júzege asyrý jáne ózara is-qimyldyń basqa da baǵyttary talqylanady.
BUU-nyń «Akademiialyq yqpal» baǵdarlamasynyń Turaqty damý boiynsha Jahandyq Habyn qatarynan úshinshi ret basqaryp otyrǵan QazUÝ jańa býyn JOO-nyń Ýniversitet 4.0 modelin ázirledi.
Ol «Al-Farabi University Smart City» tujyrymdamasynyń negizinde júzege asyrylýda, al onyń temirqazyǵy Uly oishyl ál-Farabidiń ideialary bolyp, joǵary tehnologiialyq jáne rýhani-adamgershilik platformalardyń simbiozyna negizdeledi.
Álemdik trendterge jaýap beretin ýniversitetterdi damytýdyń perspektivti modeli BUU-nyń Niý-Iorktegi shtab-páterindegi Órkenietter Aliansynyń forýmynda aitylyp, ony halyqaralyq deńgeide keń taratý usynyldy.
Modeldiń mańyzdy quramdas bóligi JOO-nyń qoǵam aldyndaǵy áleýmettik jaýapkershiligi bolyp tabylady. QazUÝ-dyń innovatsiialyq tájiribesin eskere otyryp, áleýmettik jaýapkershiligi bar ýniversitetterdiń Búkilálemdik jelisi (University Social Responsibility Network) arnaiy Work shop júrgizedi.
USRN ár túrli kontinentterdiń áleýmettik jaýapkershiligin júktegen kóshbasshy ýniversitetterdi biriktiredi. QazUÝ - Manchester, Kembridj, Pekin, Vashington, San-Paýlý siiaqty t.b. tanymal ýniversitettermen qatar TMD elderiniń joǵary oqý oryndary arasynda atalmysh bedeldi uiymnyń músheligine kirip otyrǵan jalǵyz ýniversitet bolyp tabylady.
Sondai - aq, QR Tuńǵysh Prezidenti – Elbasy Qory, QazUÝ jáne G-Global Halyqaralyq Hatshylyǵy uiymdastyrǵan «Turaqty damý maqsattaryn iske asyrýdaǵy jastardyń róli-2030» jahandyq kongresi mańyzdy is-shara bolmaq.
Joǵary halyqaralyq deńgeidegi is-sharalar barlyq kontinentterden 400-den astam aldyńǵy qatarly joǵary oqý oryndarynyń basshylaryn, memlekettik qurylymdar men biznes ókilderin, belgili ǵalymdardy, sarapshylar men akademiialyq toptar kóshbasshylaryn jinaitynyn atap ótken jón.
Olar bilim, ǵylym, ozyq tehnologiialar men rýhani qundylyqtardy integratsiialaý aiasynda Ýniversitetterdiń bolashaq damýynyń jańa modelin talqylaýǵa jáne ázirleýge qatysady. Forýmdar baǵdarlamasy óte mazmundy, munda plenarlyq otyrystar, paneldik pikirtalastar, iskerlik kezdesýler men yntymaqtastyq týraly memorandýmdarǵa qol qoiý, álemniń jetekshi joǵary oqý oryndarynyń jetistikteri kórmesi ótedi.
Álemdik aýqymdaǵy is-sharalardy ótkizý Qazaqstannyń ósip kele jatqan bedelin rastap, elimizdegi joǵary bilim berýdiń serpindi damýyna jáne osy mańyzdy salaǵa investitsiialar tartýǵa sózsiz yqpal etetin bolady.
QazUÝ-dyń baspasóz qyzmeti
