Jat aǵymnyń jeteginde ketkender arasynda mektepte de, ýniversitette de jaqsy oqyǵan adamdar da bar. Kezinde ishimdik iship, esirtki tartyp júrgenderdiń de balaǵyn qysqartyp, saqalyn qaýǵadai qylyp ósirip alǵanyn kórip júrmiz. Bizdiń «Kórkem ádebietti qanshalyqty bilesiń? Tarihty qanshalyqty bilesiń?» degen suraqtarymyz bar.
Keshe Tájikstannan kelgen bir kisimen sóilestik, sóitsek, tarihtan, ádebietten múldem habarsyz. Mektepti ǵana bitirgen.
Negizinen bulardyń tanym kókjiegi tar. Oi-órisi keń adam aldymen aqylǵa salady. Balaqty qysqartý jaily hadis qansha ǵasyr buryn aitylsa, dál solai qabyldaidy. Kez kelgen nárseni qalai aitty, solai isteidi. Óitkeni ol aqylǵa sala almaidy. Aqylǵa salyp oilanatyn adam ondai aǵymdardyń izinen erip ketpeidi. Munyń bári dini bilimsizdikten shyǵady. Buǵan joǵary bilim almaǵandyǵy, qarańǵylyǵy qosylady. Onyń ústine bularda maqsat joq. Bilimi bar biren-saran jigitter de ketip jatyr.
Mysaly, bokstan chempion, kúresten chempion bolǵan jigitter bar aralarynda. Olar chempiondardy «Bizdiń qatarymyzda kim júr, soǵan qara» dep kórsetý úshin qosyp alady. Al chempion ne úshin, kimderge qyzmet jasap turǵanyn bilmeidi. Qazir ýaqytta «Nur Múbarak» ýniversitetinde «Ál-Azhardy» bitirip kelgen ustazdar dáris berýde. Bulardyń minez-qulqy, shákirt tárbieleýge degen yntasy keremet. Qudai qalasa, eki-úsh jylda sol ustazdardyń shákirtteri bitiredi. Solar kelip qoǵamdy tazarta bastaidy dep úmittenemin.
Mirhat Madiiarov,
«Shańyraq» dini keńes berý, aldyn alý jáne ońaltý ortalyǵynyń jetekshisi
Derekkóz: Zaman Qazaqstan gazeti
