Forýmǵa óńirlik sybailas jemqorlyqqa qarsy qyzmet basshysynyń birinshi orynbasary Talǵat Bashev, oblystyq qoǵamdyq keńestiń tóraǵasy Denis Rypakov, JOO rektorlary, qoǵamdyq uiymdardyń belsendileri, BAQ ókilderi men jastar qatysty.
Sharaǵa qatysýshylardy Halyqaralyq sybailas jemqorlyqqa qarsy kúres kúnimen oblys ákiminiń atynan oblystyq máslihattyń hatshysy, oblystyq qoǵamdyq keńestiń tóraǵasy Denis Rypakov quttyqtady.
– Biz, jurtshylyq jáne oblystyń depýtattyq korpýsy, aldaǵy ýaqytta da sybailas jemqorlyqtyń kez kelgen kórinisterine qarsy turýǵa jáne birlese qyzmet atqarýǵa daiynbyz, – dedi Denis Rypakov.
Elimizdiń sybailas jemqorlyqqa qarsy saiasaty ulttyq tájiribe men ozyq sheteldik tájiribeni eskere otyryp, qoǵamnyń suranystary negizinde únemi jetildirilip keledi. Prezidenttiń Jarlyǵymen 2022 jylǵy 2 aqpanda bekitilgen Sybailas jemqorlyqqa qarsy saiasat tujyrymdamasyna sáikes sybailas jemqorlyqqa qarsy kúreske azamattyq qoǵam belsendi túrde qatystyrylyp, keshendi sharalar júzege asyrylýda.
2022 jyly sybailas jemqorlyq táýekelderin anyqtaý jáne quqyq buzýshylyqtardyń aldyn alý maqsatynda Agenttik sybailas jemqorlyq táýekelderiniń kartasyn ázirledi. Onda ashyqtyqtyń joqtyǵy jáne ákimshilik kedergilerdiń, zańnamanyń jetilmegendiginiń kesirinen óńirde sheshim taba almai kele jatqan ózekti máseleler kórsetilgen.
– Atalǵan problemalardy sheshýde jergilikti atqarýshy organdardyń, sondai-aq qoǵam ókilderiniń óz resýrstary men múmkindikterin biriktirýi óte mańyzdy. Óz kezeginde, sybailas jemqorlyqqa qarsy qyzmet qalaida qylmystyq is qozǵaýdy ózine maqsat etpeidi, eń bastysy – biýdjet esebinen salynyp jatqan obektiler sapaly turǵyzylyp, belgilengen merzimde tapsyrylsa, adamdar ýaqytynda aýyzsýmen qamtamasyz etilse, sapaly jolmen júrse, jańa páterlerge kirse, sol mańyzdy, – dep atap ótti oblystyń sybailas jemqorlyqqa qarsy vedomstvo basshysynyń birinshi orynbasary Talǵat Bashev.
Forýmda sybailas jemqorlyqqa qarsy taqyryptarǵa jariialanǵan túrli konkýrstardyń jeńimpazdary marapattaldy. Olardyń qatarynda stýdentter men oqýshylar arasynda sybailas jemqorlyqqa qarsy úzdik joba men beinerolikke arnalǵan «Parasatty otbasy» baiqaýy bar.
Vedomstvo ókilderiniń aitýynsha, «Parasatty otbasy» baiqaýy tórtinshi jyl qatarynan ótkizilip keledi. Baiqaý otbasylyq qundylyqtar prizmasy arqyly parasattylyq qaǵidattaryn nasihattaýǵa baǵyttalǵan.
Konkýrstyń oblys turǵyndary arasynda oń pikirge ie bolyp, keń qoldaý tapqany baiqalady. Biyl baiqaýǵa qatysqandardyń qarasy burynǵy jyldarmen salystyrǵanda áldeqaida kóp bolypty.
– Meniń nemerem Sherhan – Qaljyr orta mektebiniń 7-synyp oqýshysy, ol «Parasatty otbasy» baiqaýynda úshinshi orynǵa ie boldy. Ol sybailas jemqorlyqqa qarsy taqyrypta úsh minýttyq rolik túsirip, baiqaýǵa jiberdi. Onyń jumysyn baǵalap, atap ótkenine óte qýanyshtymyn. Mundai is-sharalar aýadai qajet. Otan degen otbasynan bastalady. Balalar jastaiynan sybailas jemqorlyqtyń ziiandylyǵyn bilýi kerek, – deidi Kúrshim aýdanynyń turǵyny Baǵdagúl Muqasheva.
Sherhan óz siýjetinde qurbylarynyń ámiianyn túsirip alǵan apaiǵa zatyn qaitaryp bergenin kórsetipti.
– Balalar kishkentaiynan adal bolýy kerek, – deidi Sherhan Muqashev.
Osy baiqaýda «Qamqorshy otbasy» nominatsiiasy boiynsha marapattalǵan Aiana Rahman – Bolǵanbaev atyndaǵy Samar mektep-litseiiniń tórtinshi synyp oqýshysy. Ol marapattaýǵa muǵalimimen kelipti. Anasy dál sol kúni altynshy sábiimen perzenthanadan shyqqan eken. Aiana beinerolikte kishkentai baýyrlary, otbasynyń tárbiesi jaiynda baiandapty.
Sybailas jemqorlyqpen kúreste ásirese jastardyń róli mańyzdy. Sársen Amanjolov atyndaǵy Shyǵys Qazaqstan ýniversitetinde «Sybailas jemqorlyqsyz ádil qoǵam quraiyq!» atty stýdentterdiń forýmy ótti. Forýmǵa oblystyq sybailas jemqorlyqqa qarsy qyzmettiń preventsiia basqarmasynyń basshysy Arhat Beisembaev, joǵary oqý ornynyń prorektorlary men oqytýshylary, stýdentteri qatysty.
Forým ýniversitet stýdentteriniń sybailas jemqorlyqqa qarsy ideialary, jobalary men tájiribeleri týraly ózara pikir almasý, sol arqyly sybailas jemqorlyqtyń kez kelgen kórinisterine tózbeýshilikti qalyptastyrý maqsatynda ótkizildi.
