Abai ýniversitetinde Prezident Joldaýynyń quqyqtyq qyry talqylandy
Sharany QR Prezidenti janyndaǵy Adam quqyqtary jónindegi Komissiia, Nursultan Nazarbaev Qory, Abai atyndaǵy QazUPÝ-dyń Sorbonna-Qazaqstan institýty, «Astana» halyqaralyq qarjy ortalyǵy (AHQO), «Akselerator dobra. Izgilik elshisi» ulttyq eriktiler qozǵalysy, «Almaty Adaldyq Alańy» jobalyq keńsesi uiymdastyrdy.
Sharaǵa QR Prezidenti janyndaǵy Adam quqyqtary jónindegi komissiianyń Tóraǵasy, Nursultan Nazarbaev Qory atqarýshy direktorynyń orynbasary Igor Rogov, QR UǴA korrespondent-múshesi, AHQO akademiialyq Keńesiniń múshesi Baqytjan Ábdiraiym, Abai atyndaǵy QazUPÝ Basqarma tóraǵasy-rektory Darhan Bilálov, QR Sybailas jemqorlyqqa qarsy is-qimyl Agenttiginiń Almaty qalasy boiynsha departamenti basshysynyń birinshi orynbasary Daniiar Taýmurat, QR Prezidenti janyndaǵy UQSK múshesi, Sorbonna-Qazaqstan institýtynyń direktory, «Almaty Adaldyq alańy» jobalyq keńsesiniń jáne «Akselerator dobra: Izgilik elshisi» eriktiler qozǵalysynyń jetekshisi Ainur Sábitova qatysty.
Onlain-rejimde QR Ádilet QR Prezidenti Ákimshiliginiń Qaýipsizdik jáne quqyqtyq tártip bóliminiń meńgerýshisi Aleksei Kalaichidi, vitse-ministri Natalia Pan jáne ál-Farabi atyndaǵy QazUÝ, L. N. Gýmilev atyndaǵy EUÝ-diń «Akselerator dobra: Izgilik elshisi» zań klinikasynyń ókilderi men eriktileri, sondai-aq zań salasyndaǵy sarapshylar qatysty.
Dóńgelek ústel barysynda Memleket basshysy Q.Toqaevtyń «Halyq birligi jáne júieli reformalar – el órkendeýiniń berik negizi» Qazaqstan halqyna Joldaýynyń quqyq qorǵaý aspektileri talqylandy, qylmystyq-protsestik zańnamany jetildirý, quqyq qorǵaýshylardyń quqyqtaryn qorǵaýdy kúsheitý, balalarǵa qarsy qylmystyń aldyn alý jáne sybailas jemqorlyqtyń aldyn alý tetikteri qaraldy.
Darhan Bilálov uiymdastyrýshylarǵa alǵysyn bildirip, el Prezidentiniń bilim jáne ǵylym júiesin jetildirý jónindegi tapsyrmalaryn iske asyrýdyń mańyzdylyǵyn atap ótti.
– Bul baǵyttar memleketimizdiń odan ári damýy men sapaly bilim berý, adam quqyqtaryn qorǵaý, ulttyq birlikti nyǵaitý úshin mańyzdy. Ol úshin árbir qazaqstandyq Joldaýda qoiylǵan mindetterdi iske asyrýǵa jaýapkershilikpen qaraýy tiis. Abai ýniversitetiniń ujymy óz jaýapkershiligin sezine otyryp, osy baǵytta júieli jumystar júrgizýdi josparlap otyr, – dedi ýniversitet rektory.
Igor Rogov elimizdiń Konstitýtsiiasynda Qazaqstannyń ózin demokratiialyq, quqyqtyq, zaiyrly, áleýmettik memleket retinde tanytatyny aiqyn kórsetilgenin, onyń eń joǵary qundylyqtary adam, onyń ómiri, quqyqtary men bostandyqtary ekenin atap ótti. Táýelsizdiktiń 30 jylynda respýblikada kóp jumys atqaryldy.
– Meniń oiymsha, Q.Toqaevtyń júrgizip otyrǵan saiasaty bizdiń Tuńǵysh Prezidentimiz belgilegen damý vektorynyń jalǵasy bolyp tabylady, – dedi ol.
Baqytjan Ábdiraiym azamattardyń quqyqtaryn qorǵaý máselelerimen ainalysatyn AHQO, eki quqyqtyq institýttyń qyzmeti týraly jáne qazirgi tańda adam quqyǵy qyzmetiniń qandai aspektileri mańyzdy bolyp tabylatyny týraly egjei -tegjeili aitty. Bolashaq zańgerler men stýdentterge bar múmkindikterdi paidalanyp, tek ulttyq zańnamany ǵana emes, basqa da elderdiń zańnamalaryn zerdeleýge keńes berdi.
Memleket basshysy óz Joldaýynda atap ótkendei, barlyq aitylǵan bastamalar men strategiialyq mindetterdi iske asyrý úshin memlekettik apparat pen qoǵam tarapynan ortaq kúsh-jiger qajet. Bul rette barlyq deńgeilerde, onyń ishinde jastardyń - volonterler men stýdentterdiń belsendi qatysýymen qoǵamdyq dialog damityn bolady.
Óz kezeginde Ainur Sábitova azamattyq qoǵamnyń belsendiligin arttyrýǵa yqpal etetin, onyń basym bóligin - jastardy volonterlikke tartatyn «Akselerator dobra: Izgilik elshisi» jobasynyń qyzmeti týraly aityp, volonterlerdiń halyqqa kómek kórsetýdegi rólin atap ótti.
Is-sharaǵa qatysýshylar pikirsaiys formatynda Memleket Basshysynyń Joldaýyn egjei-tegjeili talqylady, onda Qazaqstannyń odan ári damýynyń, onyń ekonomikalyq órkendeýi men el halqynyń ómirin jaqsartýdyń eń ózekti máseleleri kóterildi.
