Polısıa qyzmetkerleri adamdardy bólimshege shaqyryp, olardan maqta terýge barýyn talap etip jatyr, dep habarlady tilshi.
Bul azamattardy Serdar etrapyndaǵy "Azadı", "Iashlyk", "Sarp", "Janahyr" dıqan birlestikterine, sonymen birge Bereket etrapyndaǵy "Ýzynsýv", "Mahtýmkýl" jáne "Túrkimenstan" dıqan birlestikterine májbúrli túrde maqta terýge jibergen, – dep habarlady derekkóz basylym jýrnalısine.
Onyń aıtýynsha, polısıa buny "eńbekpen túzetý jumysy" dep atap, ony "jazanyń bir túri" dep sıpattaǵan.
Bunyń aldynda Azattyq radıosynyń túrkimen qyzmeti bıliktiń búdjet qyzmetkerlerine májbúrli túrde maqta tergizip jatqanyn habarlaǵan.
Túrkimenstan bıyl 1 mıllıon 250 myń tonna maqta jınaýdy kózdep otyr.
Túrkimenstanda májbúrli eńbekti maqta terýde ǵana emes, ony egý kezinde de qoldanyp júr.
Halyqaralyq adam quqyqtaryn qorǵaý uıymdary Túrkimenstan bıligin synap otyr.
Responsible Sourcing Network uıymynyń málimetinshe, bıyl 10 tamyzǵa deıin álemniń 138 brendi túrkimen maqtasyn, sodan jasalǵan taýardy satyp alýdan bas tartty.
https://dalanews.kz/news/67825-qazaqstanda-dini-filmderge-suranys
