Abai ýniversiteti aldaǵy jyly pedagogikalyq zertteý ýniversiteti mártebesin alýdy maqsat tutýda
Qazaqstan Respýblikasy Joǵary oqý oryndarynyń professor-oqytýshylar quramynyń bas reitinginiń (NAAR) Top-50 úzdikter tizimine Abai ýniversitetiniń 5 professory endi, olar: V.N.Kosov, E.Á.Bóribaev, J.A.Hamzina, A.S.Berdyshev, A.K.Jarmaǵanbetova, sondai-aq 1 jas ǵalym E.Tileýberdi.
<span;>Abai ýniversitetiniń N.Kelimbetov atyndaǵy Túrkologiia ortalyǵy daiyndaǵan «Muqaǵali tili sózdigi» monografiiasynyń avtorlary Sherýbai Qurmanbaiuly, Janseiit Túimebaev, Baiynkól Qaliev jáne Sabira Isakova gýmanitarlyq ǵylymdar salasyndaǵy úzdik ǵylymi zertteýi úshin beriletin Sh.Ýálihanov atyndaǵy ataýly syilyqqa ie boldy. Joǵary oqý ornynyń úsh ǵalymy PhD doktorlar Qymbat Bekenaeva, Dýman Áliasqarov jáne professor Bolat Jumaǵulov «Joǵary oqý ornynyń úzdik oqytýshysy - 2023» ataǵyna ie boldy. Sondai-aq, ýniversitettiń 20 ǵalymy «Bolashaq» baǵdarlamasynyń «500 ǵalym» jobasy aiasynda sheteldegi jetekshi ýniversitetter men ǵylymi-óndiristik ortalyqtarda ǵylymi taǵylymdamadan ótý boiynsha grant iegerleri atandy.
Osy jyly professor-oqytýshylar quramy men ýniversitet qyzmetkerleri Scopus (211) jáne Web of Science (100) indekstelgen sheteldik jýrnaldarda 300-den astam ǵylymi maqala jariialady. Aita ketý kerek, Q1, Q2 joǵary reitingti jýrnaldardaǵy basylymdardyń úlesi ótken jylmen salystyrǵanda 20%-ǵa ósti.
2023 jyly Abai ýniversiteti respýblikalyq biýdjetten 61 ǵylymi-zertteý jobasy tabysty iske asyrylýda, onyń ishinde QR ǴJBM granttyq qarjylandyrýdyń 56 ǵylymi-zertteý jobasy, baǵdarlamalyq-nysanaly qarjylandyrýdyń 4 jobasy jáne kommertsiialandyrýdyń 1 jobasy. Bul kórsetkish ótken jylmen salystyrǵanda 74%-ǵa ósti, óitkeni 2022 jyly jobalar sany 35 bolǵan. Jobalardyń negizgi baǵyttary «Bilim jáne ǵylym» jáne «Áleýmettik jáne gýmanitarlyq ǵylymdar salasyndaǵy zertteýler» bolyp tabylady.
Ýniversitet árdaiym professor-oqytýshylar men jas ǵalymdardy qoldap, olardyń bolashaq ideialaryn damytýǵa óz biýdjetinen qarajat bóledi. Jyl saiyn ýniversitette jas ǵalymdar, professor-oqytýshylar jáne qyzmetkerler úshin ishki granttar konkýrstar ótkiziledi. Sonymen qatar, Abai ýniversiteti elimizde alǵashqylardyń biri bolyp postdoktorantýra baǵdarlamasyn engizdi, qazirgi tańda onyń qatysýshylarynyń sany – 28 adamǵa jetti. 2023 jyly postdoktoranttardyń ekinshi legi retinde – 7 talantty jas ǵalym postdoktor dárejesin aldy.
<span;>Sonymen qatar Abai ýniversiteti DAAD, «Ashyq Aziia» qory, «Erasmus+» siiaqty sheteldik uiymdar qarjylandyratyn jobalardy da iske asyrýda, bul baǵdarlamalar bilim alýshylar úshin bilim men tájiribe almasýdyń jańa kókjiegin keńeitýde.
Qazir ýniversitette 9 ǵylymi-zertteý zerthanasy men stýdentterdi ǵylymnyń qyzyqty álemine tartatyn STEM-park jumys isteidi. Abai ýniversitetiniń 2023 jylǵy jetistikteri ujymnyń ortaq kúshin, talanttardyń birligin jáne ozyq bilim alýǵa degen umtylysyn kórsetti. Bolashaqta bilim men ǵylymnyń qara shańyraǵy – Abai ýniversitetiniń damý strategiialyq baǵyttarynyń biri pedagogikalyq zertteý ýniversiteti mártebesin alý bolyp tabylady. Búginde joǵary oqý orny pedagogikalyq zertteý ýniversiteti mártebesine ie bolý jolynda batyl qadamdar jasaýda.
