Aktsiianyń negizgi maqsaty- balalardy qoldap, olarǵa qýanysh syilaý.
Astanada osy is-shara sheńberinde «Jaqsylyq shyrshasy» qaiyrymdylyq aktsiiasy dástúrli túrde ótkiziledi. Qazaqstan Prezidentiniń atynan balalarǵa berilgen syilyqtardy Astana qalalyq bilim basqarmasynyń basshysy Qasymhan Senǵazyev pen qalalyq Ishki saiasat basqarmasynyń basshysy Nurdáýlet Álmuhanov tabystady.
Osylaisha búgin elordanyń bes kishkentai turǵynynyń armany oryndaldy. Bul balalar az qamtylǵan jáne ómirlik qiyn jaǵdaiǵa tap bolǵan otbasylardan shyqqan, ata-ana qamqorlyǵynsyz qalǵan, sonymen qatar erekshe jáne onkologiialyq dertke shaldyqqan balalar.
Balalarǵa velosiped, "Alisa" aqyldy kolonkasy, velojol, manikiýr jiyntyǵy, sporttyq kostiým, parta men oryndyq syiǵa berildi.
"Prezident syilyǵyna zor alǵysymdy bildirgim keledi.
Barlyq balanyń asyl armany oryndalsyn!", - deidi Memleket basshysynan syilyq alǵan, 15 jastaǵy iegeri Milana Pankova.
Astanadaǵy qaiyrymdylyq aktsiiasyna memlekettik organdardyń qyzmetkerleri, elorda máslihatynyń depýtattary, belgili sportshylar, mádeniet pen óner qairatkerleri qatysyp, balalardy syilyqtarymen qýantty.
