Jańa logotıp – Abaı oblysynyń rýhanı, tarıhı jáne geografıalyq erekshelikterin kórkem túrde beıneleıtin sımvolıkalyq máni bar týyndy.

Endi árbir elementtiń maǵynasyn túsindireıik:

ABAI – zamanaýı stılde jazylǵanymen, ulttyq órnek pen tarıhı mán-maǵynaǵa baı.

1. Alǵashqy A – Ertis ózeniniń tolqyndarymen bastalyp, Semeıdiń sımvoly bolǵan aspaly kópirdi beıneleıdi. Kópir – dáneker. Ótken men búgindi, búgin men erteńdi jalǵaıtyn sabaqtastyq.

2. B jáne ekinshi A – qos qazaq úı.

Alǵashqy “Qazaq” gazetinde de beınelengen. Bul Semeıdi Alashtyń astanasy bolǵanyn aıtyp tur. Sonymen qatar Abaı men Shákárim degen emeýrindi bildiredi. Bul – rýhanı sabaqtastyqtyń sımvoly. Osy eki áriptiń ortasynda sál tómen turǵan – úki. Ol – kıe men qorǵaýshy kúshtiń belgisi.

Sońǵy árip – İ.

Bul áripti Abaı bilim alǵan medrese dep jatqandar bar. Bul jerdegi eń mańyzdysy – İ árpiniń basyndaǵy noqat. Iaǵnı, temirqazyq. Bul – damý men baǵdar belgisi. Ultymyzdyń temirqazyǵy – Abaı ilimi.

Logotıptiń astyńǵy syzyqtarynyń ıilgen formasy Ertis ózenin eske salady. Bul – oblystyń geografıalyq ózegi.