2025 jyldyń İ-toqsanynda Qazaqstannyń syrtqy saýda aınalymy 29 272,2 mln AQSH dollaryn qurady, onyń ishinde: eksport – 16 361,5 mln dollar, ımport kólemi – 12 911,1 mln dollar, dep habarlaıdy Dalanews.kz.
Ulttyq statısıka búrosynyń málimetinshe, 2025 jylǵy qańtar-naýryzda Qazaqstan Respýblıkasynyń eksporty boıynsha taýarlardyń negizgi úles salmaǵy mynadaı taýarlarǵa tıesili:
- bıtýmınozdy mıneraldardan alynǵan shıki munaı jáne shıki munaı ónimderi (52,3%),
- tazartylǵan mys jáne óńdelmegen mys qorytpalary (5,3%),
- mys kenderi men konsentrattary (4%), feroqorytpalar (3,3%),
- bıdaı jáne meslın (2,3%).
Qazaqstan Respýblıkasynyń ımporty boıynsha eń kóp úles salmaq kelesi taýarlarǵa tıesili: jeńil avtomobılder (3,9%),
- dárilik zattar (3,1%),
- motorly kólik quraldaryna arnalǵan shanaqtar (2,9%),
- telefon apparattary (2,3%),
- motorly kólik quraldarynyń bólikteri men kerek-jaraqtary (2,2%).
Qazaqstan Respýblıkasynyń eksporttaǵy negizgi áriptes elderi: Italıa (25,2%), Qytaı (15,1%), Reseı (9,8%), Nıderland (6,4%), Túrkıa (5,1%), Ózbekstan (4,7%).
Al ımport boıynsha negizgi áriptes elderi: Reseı (29,1%), Qytaı (26,8%), Koreıa Respýblıkasy (4,4%), Germanıa (4,2%), AQSH (3%), Túrkıa (2,7%) memleketteri.
