2025 جىلدىڭ ءى-توقسانىندا قازاقستاننىڭ سىرتقى ساۋدا اينالىمى 29 272،2 ملن اقش دوللارىن قۇرادى، ونىڭ ىشىندە: ەكسپورت – 16 361،5 ملن دوللار، يمپورت كولەمى – 12 911،1 ملن دوللار، دەپ حابارلايدى Dalanews.kz.
ۇلتتىق ستاتيستيكا بيۋروسىنىڭ مالىمەتىنشە، 2025 جىلعى قاڭتار-ناۋرىزدا قازاقستان رەسپۋبليكاسىنىڭ ەكسپورتى بويىنشا تاۋارلاردىڭ نەگىزگى ۇلەس سالماعى مىناداي تاۋارلارعا تيەسىلى:
- بيتۋمينوزدى مينەرالداردان الىنعان شيكى مۇناي جانە شيكى مۇناي ونىمدەرى (52،3%)،
- تازارتىلعان مىس جانە وڭدەلمەگەن مىس قورىتپالارى (5،3%)،
- مىس كەندەرى مەن كونسەنتراتتارى (4%)، فەرروقورىتپالار (3،3%)،
- بيداي جانە مەسلين (2،3%).
قازاقستان رەسپۋبليكاسىنىڭ يمپورتى بويىنشا ەڭ كوپ ۇلەس سالماق كەلەسى تاۋارلارعا تيەسىلى: جەڭىل اۆتوموبيلدەر (3،9%)،
- دارىلىك زاتتار (3،1%)،
- موتورلى كولىك قۇرالدارىنا ارنالعان شاناقتار (2،9%)،
- تەلەفون اپپاراتتارى (2،3%)،
- موتورلى كولىك قۇرالدارىنىڭ بولىكتەرى مەن كەرەك-جاراقتارى (2،2%).
قازاقستان رەسپۋبليكاسىنىڭ ەكسپورتتاعى نەگىزگى ارىپتەس ەلدەرى: يتاليا (25،2%)، جۇڭگو (15،1%)، رەسەي (9،8%)، نيدەرلاند (6،4%)، تۇركيا (5،1%)، وزبەكستان (4،7%).
ال يمپورت بويىنشا نەگىزگى ارىپتەس ەلدەرى: رەسەي (29،1%)، جۇڭگو (26،8%)، كورەيا رەسپۋبليكاسى (4،4%)، گەرمانيا (4،2%)، اقش (3%)، تۇركيا (2،7%) مەملەكەتتەرى.
