Osy senbide Óskemen álem boiynsha tanymal ekologiialyq qozǵalysqa taǵy da qosylady. «Taza oiyndar» 17 mamyr kúni «Samal» saiabaǵynda ótedi, dep habarlaidy Dalanews.kz
«Taza oiyndar» – bul ekologiialyq aǵartýǵa baǵyttalǵan, adamdardy tabiǵatty qoqystan tazartýǵa yntalandyratyn qaiyrymdylyq jobasy. Qatysýshylar qoqysty jinap, suryptap, qaita óńdeýge tapsyrady – bári oiyn-saýyq pen jarys túrinde ótedi.
Jinalǵan qaldyq kólemine sáikes upailar beriledi. Qosymsha upailardy qoqysty bólek jinaý, kvest kezinde tabylǵan erekshe zattar – «artefaktiler» úshin jáne arnaiy tapsyrmalardy oryndaý arqyly alýǵa bolady.
Jeńimpazdar syilyqtarmen, sondai-aq @quartz_ust_kamenogorsk kompaniiasynyń qaita óńdelgen shynysynan jasalǵan kýboktar men medaldarmen marapattalady.
Sonymen qatar, qatysýshylarǵa syilyqtar úlestirilip, ekologiialyq viktorina uiymdastyrylady.
Oiynǵa qosylý úshin 2–4 adamnan turatyn komanda jinap, @clean_games_ukg paraqshasynyń profilindegi belsendi siltemesi arqyly tirkelý jáne oiynǵa yńǵaily kiimmen kelý jetkilikti.
Oiyn erejesine qatysty barlyq suraqtarǵa jaýap pen qajet zattardy uiymdastyrýshylar beredi.
Jiyn jáne komandalardy tirkeý: 9.00.
