وسى سەنبىدە وسكەمەن الەم بويىنشا تانىمال ەكولوگيالىق قوزعالىسقا تاعى دا قوسىلادى. «تازا ويىندار» 17 مامىر كۇنى «سامال» ساياباعىندا وتەدى، دەپ حابارلايدى Dalanews.kz

«تازا ويىندار» – بۇل ەكولوگيالىق اعارتۋعا باعىتتالعان، ادامداردى تابيعاتتى قوقىستان تازارتۋعا ىنتالاندىراتىن قايىرىمدىلىق جوباسى. قاتىسۋشىلار قوقىستى جيناپ، سۇرىپتاپ، قايتا وڭدەۋگە تاپسىرادى – ءبارى ويىن-ساۋىق پەن جارىس تۇرىندە وتەدى.

جينالعان قالدىق كولەمىنە سايكەس ۇپايلار بەرىلەدى. قوسىمشا ۇپايلاردى قوقىستى بولەك جيناۋ، كۆەست كەزىندە تابىلعان ەرەكشە زاتتار – «ارتەفاكتىلەر» ءۇشىن جانە ارنايى تاپسىرمالاردى ورىنداۋ ارقىلى الۋعا بولادى.

جەڭىمپازدار سىيلىقتارمەن، سونداي-اق @quartz_ust_kamenogorsk كومپانياسىنىڭ قايتا وڭدەلگەن شىنىسىنان جاسالعان كۋبوكتار مەن مەدالدارمەن ماراپاتتالادى.

سونىمەن قاتار، قاتىسۋشىلارعا سىيلىقتار ۇلەستىرىلىپ، ەكولوگيالىق ۆيكتورينا ۇيىمداستىرىلادى.

ويىنعا قوسىلۋ ءۇشىن 2–4 ادامنان تۇراتىن كوماندا جيناپ، @clean_games_ukg پاراقشاسىنىڭ پروفيلىندەگى بەلسەندى سىلتەمەسى ارقىلى تىركەلۋ جانە ويىنعا ىڭعايلى كيىممەن كەلۋ جەتكىلىكتى.

ويىن ەرەجەسىنە قاتىستى بارلىق سۇراقتارعا جاۋاپ پەن قاجەت زاتتاردى ۇيىمداستىرۋشىلار بەرەدى.

جيىن جانە كوماندالاردى تىركەۋ: 9.00.