Pavlodar oblysy Aqqýly aýdanynyń prokýratýrasymen qabyldaǵan sharalardyń nátıjesinde 9 eldi mekenniń turǵyndaryna kadastrlyq quny 2,7 mlrd teńgelik jaıylymdyq jerler qaıtaryldy, dep habarlaıdy Dalanews.kz.

Memleket basshysy óziniń kezekti joldaýynda paıdalanylmaı jatqan jerlerdi memleket menshigine qaıtaryp, olardy tek jerdiń qundylyǵyn túsinetin azamattarǵa ǵana berý qajettigi jaıyndataǵy bir márte atap ótti.

Bas prokýratýranyń tapsyrmasy aıasynda aýyl sharýashylyǵy maqsatyndaǵy jerlerdi berý jáne paıdalaný kezinde jer zańnamasynyń saqtalýyn qamtamasyz etý boıynsha jumystar jalǵasýda.

Azamattardan jaıylym men shabyndyq jerlerdiń jetispeýshiligine qatysty kóptegen ótinishterdiń kelip túsýine baılanysty keshendi taldaý júrgizildi. Nátıjesinde zań talaptaryn buza otyryp berilgen, sondaı-aq, paıdalanylmaı jatqan nemese zańsyz paıdalanylyp jatqan 70 myń gektardan astam jer telimderi anyqtaldy.

Mysaly, bir ǵana jaýapkershiligi shekteýli seriktestik tórt jyl boıy 11,5 myń gektar jaıylymdy paıdalanbaǵan. Qazirgi ýaqytta Pavlodar oblysynyń Jer resýrstary nbasqarý departamentimen bul jerlerdi memleket menshigine qaıtarý jumystary júrgizilýde.

Sonymen qatar, prokýratýra aktisi boıynsha buryn jeke paıdalanýǵa berilgen quny 2,7 mlrd teńgeden asatyn 3 myń gektardan astam eldi meken jerleri memleketke qaıtaryldy.

Túsindirý jumystary júrgizilgennen keıin taǵy da jerlerdiń úshten biri tikeleı maqsaty boıynsha paıdalanyla bastady.