"42 500 teńge" áleýmettik tólemi taǵaıyndalmaǵan azamattardyń ótinishterin qaıta qaraý tártibi bekitildi, dep habarlaıdy Dalanews.kz.
"42 500 teńge" tólemi taǵaıyndalmaǵanmen kelispeıtin azamattardyń ótinishterine baılanysty Qazaqstan Respýblıkasynyń Eńbek jáne halyqty áleýmettik qorǵaý mınıstrligi tótenshe jaǵdaı kezeńinde tabysynan aıyrylýyna baılanysty Memlekettik áleýmettik saqtandyrý qorynan (budan ári – MÁSQ) tólemder taǵaıyndaý qaǵıdalaryna (budan ári – Qaǵıdalar) joǵaryda kórsetilgen tólem taǵaıyndalmaǵan azamattardyń ótinishterin qaraý algorıtmin retteıtin túzetýler engizildi", delinedi QR Eńbek jáne halyqty áleýmettik qorǵaý mınıstrliginiń baspasóz habarlamasynda.
Ótinishti qaıta qaraý úshin
Buryn "42 500 teńge" áleýmettik tólemin taǵaıyndaýdan bas tartý týraly sheshim qabyldanǵan ótinishterdi qaıta qaraý úshin aýdandyq (qalalyq) shtabqa rastaıtyn qujattarmen qosa tıisti ótinish berý qajet.
Ótinishi qalaı berý kerek
Jumys berýshi tarapynan – SHOB, iri kásipkerlik (karantın engizilgen óńirlerde), komersıalyq emes zańdy tulǵalar úshin. Bul rette ótinish tek áleýmettik tólem taǵaıyndaýdan bas tartý (toqtatý) týraly sheshim qabyldanǵan qyzmetkerler úshin beriledi.
Óz betinshe – áleýmettik tólemdi taǵaıyndaýdan bas tartý (toqtatý) týraly sheshim qabyldanǵan jeke kásipkerler, jeke praktıkamen aınalysatyn adamdar, BJT tóleýshiler, azamattyq-quqyqtyq sıpattaǵy sharttar (budan ári – AQS) boıynsha jumys isteıtin adamdar.
Qandaı qujattar kerek
Qyzmetkerleri úshin qujattar beretin jumys berýshiler úshin:
- jalaqysy aqtalmaıtyn demalysqa jiberý týraly buıryqtar;
- jumys berýshiniń TJ kezeńinde kirisin joǵaltý faktisin rastaıtyn qujattar (banktik shottardan úzindilerdi qosa alǵanda, qarjylyq jáne ózge de eseptilik, býhgalterlik balans jáne basqa qujattar);
- memlekettik kirister organdary qabyldaǵan deklarasıa (MKK-men salystyrý úshin, 200-nysan).
JK jáne jeke praktıkamen aınalysatyn adamdar úshin:
- memlekettik kirister organdary qabyldaǵan deklarasıa (MKK-men salystyrý úshin, 200-nysan);
- tabystyń joǵaltý faktisin rastaıtyn qujattar (banktik shottardan úzindilerdi qosa alǵanda, qarjylyq jáne ózge de eseptilik, býhgalterlik balans jáne basqa da qujattar).
AQS sharttar boıynsha jumys isteıtin adamdar úshin:
- zańdy tulǵamen jasalǵan jumystardy oryndaýǵa (qyzmet kórsetýge) arnalǵan AQS sharty.
Usynylǵan qujattardy qaraǵannan keıin aýdandyq (qalalyq) shtab "42 500 teńge" áleýmettik tólemin taǵaıyndaýǵa quqyǵy bar/joǵy týraly qorytyndy shyǵarady.
Oń qorytyndy "Azamattarǵa arnalǵan úkimet" memlekettik korporasıasy" KEAQ bólimshesine beriledi, ol "Ótinish berýshiniń elektrondyq is maketin" qalyptastyrady jáne derekterdi MÁSQ fılıalyna beredi. MÁSQ fılıaly áleýmettik tólem taǵaıyndaý nemese taǵaıyndaýdan bas tartý týraly sheshim qabyldaıdy.
Aýdandyq (qalalyq) shtabtyń qorytyndysymen nemese MÁSQ fılıalynyń sheshimimen kelispegen jaǵdaıda, ótinish berýshi rastaıtyn qujattarmen aýdandyq (qalalyq) shtabtyń jumys organy arqyly oblystyq (qalalyq) shtabqa júginedi. Oblystyq (qalalyq) shtab "42 500 teńge" áleýmettik tólemin taǵaıyndaý quqyǵynyń bar/joǵy týraly qorytyndy shyǵarady. Oń qorytyndy "Azamattarǵa arnalǵan úkimet" memlekettik korporasıasy" KEAQ bólimshesine jáne odan ári MÁSQ fılıalyna beriledi.
Karantın talaptaryn eskere otyryp, adamdardyń jappaı jınalýyna jol bermeý maqsatynda ótinishter 2020 jylǵy 1 jeltoqsanǵa deıin qaralatyn bolady.
