25 mamyrdan bastap Nur-Sultanda qosymsha karantin sharalary engiziletinin qalanyń bas sanitar dárigeri Janna Pirálieva habarlady.
Astanada eki jáne odan da kóp adam serýendegen kezde maska taǵý mindet. Degenmen qala turǵyndarynyń úiden shyǵýyna tyiym salynbaidy. Aýlaǵa shyǵyp, birneshe adam bolyp saiabaq, alańdarǵa barýǵa ruqsat etiledi. Biraq áleýmettik araqashyqtyq saqtalýy tiis. Qala turǵyndary sonymen birge saiajailarǵa da bara alady.
"Qoǵamdyq oryndarǵa barǵan kezde, qoǵamdyq kólikterge mingen kezde maska taǵyp, qolǵap kiiý, antiseptik qoldaný talaptaryn qatań saqtaý kerek" delingen Pirálievanyń habarlamasynda.
Degenmen qala turǵyndaryna otbasylyq, eske alý, ǵuryptyq jáne ózge de sharalardy ótkizýge, toi jasaýǵa tyiym salynǵan. Bas sanitar dárigerdiń aitýynsha, qalada 25 mamyrdan bastap biznes nysandary qalypty rejimge kóshedi, biraq sanitarlyq-dezinfektsiialyq erejelerdi saqtaýy kerek.
Astanada aýlasynda 50-den astam oryn bar dámhanalar men meiramhanalardyń jumys isteýine ruqsat etilmek. Meshit, shirkeý jáne ózge de dini nysandarǵa bir mezgilde 50-den astam adam kirýge bolmaidy jáne kirý-shyǵý esikteri bólek bolýy kerek.
Astanada burynǵydai qoǵamdyq shara ótkizýge tyiym kúshinde qalmaq. Munda mektep bitirý keshteri, sońǵy qońyraý ótpeidi. Kóshe saýdasyna da tyiym salynǵan. Banket zaldary, túngi klýbtar, massaj, spa-salondar, sport keshenderi, mektepke deiingi bilim berý oryndary jabyq.
Sońǵy málimet boiynsha, astanada 1598 adamnan koronavirýs infektsiiasy tabylǵan. Sońǵy táýlikte 58 adamnan koronavirýs tabylǵan. Epidemiia bastalǵaly beri 5 adam qaitys bolǵan.
