وتاندىق ەدەبيەتتٸڭ ەڭ تانىمال 100 تۋىندىسىن انىقتاۋعا ارنالعان جالپىحالىقتىق ساۋالناما اياقتالۋىنا بٸر ايدان سەل عانا استام ۋاقىت قالدى. بٷگٸندە داۋىس بەرۋگە 16 مىڭنان استام ازامات قاتىسقان. ساۋالناما eGov Mobile قوسىمشاسى ارقىلى ونلاين فورماتتا ٶتٸپ جاتىر جەنە 23 شٸلدەگە دەيٸن جالعاسادى. فينالدىق تٸزٸم اباي كٷنٸ – 10 تامىزدا جارييالانادى.
داۋىس بەرۋ ٶتە وڭاي – eGov Mobile موبيلدٸ قوسىمشاسىن جٷكتەپ, ساۋالنامالار بٶلٸمٸندە داۋىس بەرۋ جەتكٸلٸكتٸ. قاتىسۋشى 1-دەن 10-عا دەيٸن كٸتاپتى تاڭداپ, ولاردىڭ اتاۋى مەن اۆتورىن كٶرسەتۋٸ تيٸس.
مامانداردىڭ ايتۋىنشا, بۇل ساۋالناما قازاقستاندىقتاردىڭ قانداي جانرلارعا كٶبٸرەك قىزىعاتىنىن انىقتاۋعا كٶمەكتەسٸپ قانا قويماي, باسپاگەرلەرگە, كٸتاپحانالارعا جەنە كٸتاپ دٷكەندەرٸنە بەلگٸلٸ بٸر باعىت بەرەدٸ.
جوبا بيىل 23 سەۋٸردە – ەلٸمٸزدە العاش رەت ۇلتتىق قۇرىلتاي مٷشەلەرٸنٸڭ ۇسىنىسىمەن اتاپ ٶتٸلگەن ۇلتتىق كٸتاپ كٷنٸ دٷنيەگە كەلدٸ. بۇل باستامانى مەملەكەت باسشىسى قاسىم-جومارت توقاەۆ قولدادى. پرەزيدەنت قوعامدا وقۋ مەدەنيەتٸن قالىپتاستىرۋ مەن ەدەبيەتتٸ ناسيحاتتاۋدىڭ ماڭىزدىلىعىن بٸرنەشە رەت اتاپ ٶتكەن بولاتىن.
سونىمەن قاتار, «100 كٸتاپ» جوباسى اياسىندا قاتىسۋشىلارعا سيمۆوليكالىق سىيلىقتار قاراستىرىلعان. جوبانىڭ سەرٸكتەسٸ – «مەلومان-MARWIN» دٷكەندەر جەلٸسٸنٸڭ قولداۋىمەن 5000-شٸ جەنە 11000-شٸ داۋىس بەرۋشٸلەرگە سىيلىق كارتالارى تابىستالدى. بۇل وقىرماندار ٷشٸن جاعىمدى توسىنسىي بولىپ قانا قويماي, ازاماتتاردى سٷيٸكتٸ 100 كٸتاپتى تاڭداۋعا بەلسەندٸ تارتۋعا قوسىمشا ىنتالاندىرۋ بولدى. مەسەلەن, 5000-شٸ داۋىس بەرگەن – الماتىلىق اكەركە نىشانوۆا بولسا, 11000-شٸ قاتىسۋشى – ورال قالاسىنىڭ تۇرعىنى مارال جۇماعاليەۆ بولدى.
ايتا كەتەيٸك, وقۋ مەدەنيەتٸن ٸلگەرٸلەتۋ ٸسٸنە «AMANAT» پارتيياسى دا بەلسەندٸ اتسالىسۋدا. 2023 جىلعى قىركٷيەكتەن باستاپ پارتييا «كٸتاپ-AMANAT» جوباسىن ٸسكە اسىرىپ كەلەدٸ. جوبا اياسىندا ەل بويىنشا, ەسٸرەسە شاعىن قالالار مەن اۋىلداردا 23 كٸتاپ ورتالىعى اشىلدى. بۇل ورتالىقتاردا ەدەبي كەشتەر, جازۋشىلارمەن كەزدەسۋلەر, مەنەرلەپ وقۋ سايىستارى ٶتەدٸ. جالپى سانى 700-دەن استام ٸس-شارا ۇيىمداستىرىلدى. سونىمەن قاتار, جوبا اياسىندا «AMANAT» پارتيياسى مەن قازاقستاننىڭ باسپاگەرلەر, پوليگرافيستەر جەنە كٸتاپ تاراتۋشىلار قاۋىمداستىعى اراسىندا ٶزارا ىنتىماقتاستىق تۋرالى مەموراندۋمعا قول قويىلدى. قۇجات اياسىندا باسپالار كٸتاپ ورتالىقتارىن قولجەتٸمدٸ باعامەن قاجەتتٸ ەدەبيەتتەرمەن قامتاماسىز ەتۋدە. بۇل تەك قازاقستاندىق ەدەبيەت تۋىندىلارى عانا ەمەس, سونىمەن بٸرگە ەلەمدٸك بەستسەللەرلەردٸ دە قامتيدى.
ساۋالناما تۋرالى تولىعىراق: https://100kitap.kz/
