تۇركىستان وبلىسىندا ۇيلەنۋ تويى تراگەديامەن اياقتالۋىنا از قالدى. مەرەكە كەزىندە فەيەرۆەرك اتىلعاننان كەيىن، مەيرامحانانىڭ توبەسى تۇتانىپ كەتتى، دەپ حابارلايدى Dalanews.kz كتك-عا سىلتەمە جاساپ.
قازىعۇرت اۋدانىنىڭ ءبىر مەيرامحاناسىندا ساليۋت اتىلدى. جالىن تەز ارادا توبەگە تاراپ، ونىڭ بولىكتەرى قوناقتاردىڭ باسىنا قۇلاي باستادى.
ءورت سوندىرۋشىلەردىڭ الدىن الا نۇسقاسى بويىنشا، ءبارى فەيەرۆەرك ورناتىلعان ەلەكتر سىمدارىنىڭ قىسقا تۇيىقتالۋى سالدارىنان بولعان. زارداپ شەككەندەر جوق. ەندى مەكەمە يەسىن قاۋىپسىزدىك تالاپتارىن بۇزعانى ءۇشىن جازالاۋ كۇتىپ تۇر.
