حالىقارالىق كورمە ورتالىعى «EXPO»-دا Jetour Qazaqstan، Allur كومپانيالار توبىنىڭ قۇرامىنا كىرەتىن برەند، ءوزىنىڭ جاڭا Jetour T1 مودەلىن رەسمي تۇردە تانىستىردى. بۇل كولىك قالالىق كروسسوۆەردىڭ ىڭعايلىلىعىن جانە ساياحاتقا ارنالعان سەنىمدىلىكتى ءبىر ارنادا ۇيلەستىرەدى دەپ حابارلايدى Dalanews.kz.

شاراعا قازاقستاننىڭ  ءار وڭىرىنەن كەلگەن قوناقتار – سەرىكتەستەر، Jetour اۆتوكولىكتەرىنىڭ يەلەرى، ب ا ق وكىلدەرى جانە قوعام بەلسەندىلەرى جينالدى. اسىرەسە، Jetour International شتاب-پاتەرىنىڭ وكىلدەرىنىڭ قاتىسۋى ەرەكشە مانگە يە بولدى. ولار قازاقستان نارىعىنداعى برەندتىڭ قارقىندى دامۋىن اتاپ ءوتىپ، جاڭا مودەلدىڭ بولاشاعىنا سەنىم ءبىلدىردى.

Jetour T1 – زاماناۋي موبيلدىلىك پەن ءستيلدىڭ ۇيلەسىمى. كولىكتىڭ ديزاينى مينيماليزم مەن تالعامپازدىققا باعىتتالعان، ينتەرەرى ىڭعايلى جانە تەحنولوگيالىق ستاندارتتارعا سايكەس جاسالعان. بۇل اۆتوكولىك ءستيلدى، سەنىمدىلىكتى باعالايتىن جانە قالا ءريتمى مەن جاڭا اسەرلەرگە تولى جولداردى تاڭداي بىلەتىن ادامدارعا ارنالعان.

Jetour Qazaqstan وكىلى ءوز سوزىندە:

«Jetour T1 – تەك جاڭا مودەل عانا ەمەس، برەند فيلوسوفياسىنىڭ كورىنىسى: ادامداردى العا جىلجۋعا، ءاربىر شاقىرىمنان ءلاززات الۋعا شابىتتاندىراتىن اۆتوموبيلدەر جاساۋ» – دەپ اتاپ ءوتتى.

شارا بارىسىندا Jetour Life جاڭا جوباسى دا تانىستىرىلدى. بۇل – برەندتىڭ رەسمي اكسەسسۋارلار مەن بەلسەندى ءومىر سالتىنا ارنالعان تاۋارلار جەلىسى. جوبا اۆتوموبيل مادەنيەتى، جايلىلىق پەن كۇندەلىكتى ءومىر ءستيلىن بىرىكتىرۋدى ماقسات ەتەدى.

كەش باعدارلاماسى جاڭا Jetour T1 مودەلىنىڭ سالتاناتتى تانىستىرىلىمىمەن باستالدى. قوناقتار كولىكتىڭ مۇمكىندىكتەرىن پرەزەنتاسيادان كورىپ، برەند فيلوسوفياسىمەن جاقىنىراق تانىستى. كەشتىڭ اتموسفەراسى تەحنولوگيا، ەستەتيكا جانە شابىتتى ۇيلەستىردى – ءدال وسى قاسيەتتەر Jetourء-دىڭ بۇگىنگى بەينەسىن كورسەتەدى.

Jetour T1 مودەلىمەن قازاقستانداعى بارلىق رەسمي ديلەرلىك ورتالىقتاردان تانىسىپ، تەست-درايۆقا جازىلۋعا بولادى.