وسى ماقساتقا مەملەكەتتىك بيۋدجەتتەن 8 ميلليارد تەڭگە بولىنبەك. پرەزيدەنت توقايەۆتىڭ تاپسىرماسىن ورىنداۋعا "يننوۆاسيالىق ورمان تۇقىمى" كەشەنىنىڭ ماماندارى اتسالىسپاق. پيتومنيكتىڭ بىرەگەيلىگى مىنادا: كوشەت بۇرىنعىداي ەكى جىل ەمەس، 70 كۇندە وسە الادى ەكەن.
وسىدان ءبىرشاما ۋاقىت بۇرىن بەسقاراعاي اۋدانىنداعى "سەمەي ورمانى" كانونەركا فيليالىنىڭ بازاسىندا شۆەد ءوندىرىسىنىڭ زاماناۋي جابدىعىمەن جۇمىس ىستەيتىن جاڭا ورمان تۇقىمى كەشەنى پايدالانۋعا ەنگىزىلگەن بولاتىن.
مۇندا كومپيۋتەرلىك باعدارلامالاۋ قولدانىلادى، بارلىق باقىلاۋ پروسەستەرى تولىعىمەن اۆتوماتتاندىرىلعان. ارنايى ماشينالاردىڭ وزدەرى تۇقىمداردى ساناتتارعا ءبولىپ، وڭدەيدى. جاڭا تەحنولوگيا ءبىر جىل ىشىندە 3،5 ميلليوننان استام كوشەت وسىرۋگە مۇمكىندىك بەرەدى.
ينجەنەر-تەحنولوگ ۆالەريي كلەس تۇقىمباقتا ەنگىزىلىپ جاتقان زاماناۋي ادىس-تاسىلدەرگە توقتالىپ، پىكىرىن ءبىلدىردى.
"ءبىز ءبىر جىلدا ەكى ەگىستى، ەكى روتاسيانى ستاندارتتى مولشەرگە دەيىن وسىرەمىز. وتىرعىزۋ ماتەريالدارىنىڭ سانى كوپ، ال ءوندىرىس ۋاقىتى الدەقايدا از" دەيدى ول.
وڭىردەگى ورمانشىلار سوڭعى 5 جىل ىشىندە 15 ميلليون قاراعاي كوشەتتەرىن وسىرگەن. الايدا وزىق تەحنولوگياعا قاراماستان، قوسىمشا جۇمىس كۇشى دە قاجەت پىكىردى. بۇل ءۇشىن وسىناۋ سالا ماماندارىنىڭ ايلىعىن كوتەرۋ ماڭىزدى.
"ەلىمىزدە ورمان شارۋاشىلىعىندا ەڭبەك ەتەتىن مامانداردىڭ جالاقىسى تومەن. اسىرەسە ارامشوپتەرمەن، كوشەتتەرگە كۇتىم جاسايتىن ادامدارعا باسىم كوڭىل ءبولۋ كەرەك. سول كەزدە مامان، جۇمىسشى تاپشىلىعى ماسەلەسىن دە شەشەتىن بولامىز"، – دەيدى ۆالەريي كلەس.
جۇمىس كۇشىنىڭ ازدىعىنا قاراماي، ورمانشىلار الداعى ۋاقىتتا قاراعايلى القاپتىڭ كولەمىن 25 مىڭ 400 گەكتارعا دەيىن ۇلعايتۋدى جوسپارلاپ وتىر.
مەملەكەت باسشىسىنىڭ جولداۋىنا سايكەس 2025 جىلعا دەيىن قاراعايدىڭ 119 ميلليون كوشەتتەرىن ءوسىرۋ كەرەك.
ال بىرەگەي رەليكتى ورمان القابىن قالپىنا كەلتىرۋ ءۇشىن زاماناۋي ارنايى تەحنيكا، ونىڭ ىشىندە بيۋدجەت ەسەبىنەن 40-تان استام تراكتور مەن وتىرعىزۋ ماشيناسى ساتىپ الىنعان.
2025 جىلعا قاراي وبلىستا 200 ميلليون قاراعاي كوشەتتەرىن ەگۋ ءۇشىن 8 ميلليارد تەڭگە بولىنبەك.
