قازٸرگٸ زاماندا كٶپشٸلٸك ادامنىڭ ٶمٸرٸ كومپيۋتەر مەن كەڭسە ٷستەلٸنٸڭ اينالاسىندا ٶتەدٸ. ورتا ەسەپپەن ادام كٷنٸنە 7–9 ساعاتقا دەيٸن وتىرادى. ال عالىمداردىڭ ايتۋىنشا, ۇزاق وتىرۋ — جاڭا عاسىردىڭ «جاسىرىن ٸندەتٸنە» اينالىپ وتىر, دەپ حابارلايدى Dalanews.kz
مي قىزمەتٸ باياۋلايدى
ۇزاق ۋاقىت قوزعالىسسىز وتىرۋ قان اينالىمىن بەسەڭدەتٸپ, ميعا وتتەگٸنٸڭ جەتۋٸن ازايتادى. نەتيجەسٸندە ادام تەز شارشايدى, زەيٸن مەن ەستە ساقتاۋ قابٸلەتٸ تٶمەندەيدٸ.
جٷرەك پەن قان تامىرلارىنا قاۋٸپ
دەنە قوزعالىسى شەكتەلگەن سايىن, حولەستەرين دەڭگەيٸ ٶسٸپ, قان قويۋلانادى. بۇل ينفاركت پەن ينسۋلت قاۋپٸن ارتتىرادى. دٷنيەجٷزٸلٸك دەنساۋلىق ساقتاۋ ۇيىمى (ددۇ) كٷنٸنە 8 ساعاتتان ارتىق وتىرۋ جٷرەك-قان تامىر اۋرۋلارىن 15–20%-عا ارتتىراتىنىن انىقتاعان.
ومىرتقا مەن بۋىن زارداپ شەگەدٸ
تٷنٸمەن ۇيىقتاپ, كٷنٸ بويى وتىرىپ جۇمىس ٸستەۋ ومىرتقاعا قوسارلانعان سالماق تٷسٸرەدٸ. نەتيجەسٸندە بەل, مويىن, يىق اۋرۋلارى, وستەوحوندروز جەنە قيمىل شەكتەۋلەرٸ پايدا بولۋى مٷمكٸن.
ارتىق سالماق پەن ديابەت قاۋپٸ
قوزعالىسسىز ٶمٸر سالتى زات الماسۋدى باياۋلاتىپ, كالورييانىڭ جينالۋىنا ەكەلەدٸ. بۇل سەمٸزدٸككە, 2-تيپتەگٸ قانت ديابەتٸنە جەنە زات الماسۋ سيندرومىنا جول اشادى.
نە ٸستەۋ كەرەك?
مامانداردىڭ كەڭەسٸ بويىنشا:
-
ەر 30–40 مينۋت سايىن 5 مينۋتقا ورنىڭىزدان تۇرىپ, ازداپ جٷرٸپ, سوزىلۋ جاتتىعۋلارىن جاساڭىز;
-
مٷمكٸندٸك بولسا, جۇمىس ورنىندا تۇرىپ جۇمىس ٸستەۋگە ارنالعان ٷستەل قولدانىڭىز;
-
تٷسكٸ ٷزٸلٸستە قىسقا سەرۋەنگە شىعىڭىز;
-
اپتاسىنا كەمٸندە 150 مينۋت فيزيكالىق بەلسەندٸلٸككە ۋاقىت بٶلٸڭٸز.
