كوپشىلىككە Jah Khalib اتىمەن تانىمال ءانشى باحتيار مامەدوۆتىڭ اقتوبە قالاسىندا جوسپارلانعان ءان كەشى وتپەيتىن بولدى، دەپ حابارلايدى Dalanews.kz "Tarazy.kz"-كە سىلتەمە جاساپ.
سەنىمدى دەرەككوزدىڭ مالىمەتىنشە، كونسەرتتى وتكىزبەۋ تۋرالى شەشىمدى جەرگىلىكتى اكىمدىك حابارلاعان. سونىمەن قاتار، ينسايدەرلىك اقپاراتقا سايكەس، Jah Khalibء-تىڭ قازاقستان اۋماعىندا جوسپارلانعان بارلىق جەكە كونسەرتتەرى توقتاتىلعان.
32 جاستاعى رەپەر قازاقستان، رەسەي جانە تمد ەلدەرىندە كەڭىنەن تانىمال. 2022 جىلى رەسەي مەن ۋكراينا اراسىنداعى قاقتىعىس كەزىندە ول كييەۆتە قالىپ قويعان. ءانشىنىڭ ايتۋىنشا، جارى — ۋكراين ۇلتىنان. سوعىستىڭ العاشقى ايلارىندا ۋكراينادا بولعان Jah Khalib سول ەل حالقىنىڭ قامقورلىعىن ەرەكشە اتاپ وتكەن ەدى. وسى مالىمدەمەلەرىنەن كەيىن ونىڭ رەسەيدەگى كونسەرتتەرى دە وتپەي قالعان بولاتىن.
ايتا كەتەيىك، بۇعان دەيىن ءتۇبى ازەربايجاندىق رەسەيلىك ورىنداۋشى Akmal-دىڭ دا قازاقستانداعى كونسەرتتەرى بەلگىسىز سەبەپپەن وتپەي قالعان ەدى.
