الماتىدا PokStars جانە LuckyShark اتتى زاڭسىز ونلاين قۇمار ويىنداردى ۇيىمداستىرعاندارعا قاتىستى تەرگەۋ اياقتالدى، دەپ حابارلايدى Dalanews.kz.
ستاۆكالار بانك ارقىلى قابىلدانىپ، ودان سوڭ ويىنشىلارعا جۇيەگە كىرۋ ءۇشىن لوگين مەن ءقۇپياسوز بەرىلگەن. بۇل وپەراسيالار ولاردىڭ تۋىستارى مەن ءۇشىنشى تۇلعالاردىڭ، سونىڭ ىشىندە شەتەل ازاماتتارىنىڭ (دروپپەرلەردىڭ) اتىنا راسىمدەلگەن بانك كارتالارى ارقىلى جۇرگىزىلگەن.
جاڭا ويىنشىلاردى تارتۋ ماقساتىندا الەۋمەتتىك جەلىلەردە ويىن كلۋبىن جارنامالايتىن جارناما قولدانىلعان.
سوت ۇكىمىمەن ءۇش كىنالى ادام 2 جىل 6 ايدان 4 جىل 6 ايعا دەيىنگى مەرزىمگە باس بوستاندىعىنان ايىرىلدى.
مەملەكەت پايداسىنا 116 ميلليون تەڭگە كولەمىندەگى زاڭسىز تابىس پەن ZEEKR ماركالى كولىك تاركىلەندى.
ۇكىم زاڭدى كۇشىنە ەندى.
