ەندى اتا-انا بالاسى مەكتەپتە تەلەفون ۇستاسا، ايىپپۇل ارقالاۋى مۇمكىن. بۇل تۋرالى سەنات دالىزىندە وقۋ-اعارتۋ ءبىرىنشى ۆيسە-مينيسترى مايرا مەلدەبەكوۆا مالىمدەدى، دەپ حابارلايدى Dalanews.kz.
"ءبىلىم تۋرالى زاڭدا وقۋ پروسەسىندە ۇيالى تەلەفون قولدانۋعا بولمايتىنى جازىلعان. جاۋاپكەرشىلىك اتا-اناعا جۇكتەلەدى. اكىمشىلىك قۇقىقبۇزۋشىلىق تۋرالى كودەكستىڭ شەڭبەرىندە بۇل - 409-باپ. بۇل جاعداي ءبىرىنشى رەت بولىپ جاتسا، ەسكەرتۋ جاسالادى، قايتالانعان جاعدايدا ايىپپۇل قاراستىرىلادى"، - دەدى ول.
ۆەدومستۆو وكىلىنىڭ ايتۋىنشا، اتا-انالارعا 5 ايلىق ەسەپتىك كورسەتكىشكە دەيىن ايىپپۇل سالىنۋى مۇمكىن. 2025 جىلى بۇل - 19 660 تەڭگە.
