اكىمنىڭ مالىمەتىنشە، جىل باسىنان بەرى جۇمىسقا ورنالاسۋ ماقساتىندا 138 جاس ءوتىنىش بىلدىرگەن. ولاردىڭ جارتىسى ۋاقىتشا جۇمىس ورىندارىنا، ال 70ء-ى تۇراقتى جۇمىس ورىندارىنا ورنالاسسا، جاستار تاجىريبەسى باعدارلاماسىنا 13 مامان قاتىسقان. قىسقا مەرزىمدى كاسىپتىك وقۋعا 20 ادام جىبەرىلدى.
– جۇمىس بەرۋشىلەردىڭ وتىنىمدەرى بويىنشا جاستاردى وقىتۋ جۇرگىزىلدى. قالانىڭ كاسىپتىك-تەحنيكالىق مەكتەبىندە ولار ەلەكتريك، ەلەكترگازبەن دانەكەرلەۋشى، سانتەحنيك، ءىس جۇرگىزۋشى، اسپاز، بالا كۇتۋشى، مانيكيۋر شەبەرى، شاشتاراز، 1س بۋحگالتەرى ماماندىقتارى بويىنشا دايارلاندى، – دەپ حابارلادى الەكسەي گلازينسكيي.
توعىز جاس مامان وزدەرىنىڭ بيزنەس-جوبالارىن ىسكە اسىرۋعا، اتاپ ايتقاندا، كىلەم جۋۋ كومپانياسىن، كەيتەرينگ اگەنتتىگىن، كوسمەتولوگ كابينەتىن، دەنەنى ساۋىقتىرۋ ستۋدياسىن، تاكسوپاركتى، جوندەۋ جانە IT-تەحنولوگيالار بويىنشا قىزمەت كورسەتۋ سەرۆيسىن اشۋ ءۇشىن 5 ملن تەڭگەدەن استام سوماعا مەملەكەتتىك گرانت الدى.
جازعى كەزەڭدە «جاسىل ەل» باعدارلاماسى بويىنشا 112 ادام جۇمىس تاجىريبەسىن الىپ قانا قويماي، قالانى اباتتاندىرۋعا ءوز ۇلەسىن قوستى.