تاسقىن سۋدان زارداپ شەككەن باتىس قازاقستان وبلىسىندا دا سٸبٸر جاراسى تارالۋى مٷمكٸن دەگەن قاۋٸپ بار. سەبەبٸ جۇقپالى اۋرۋدان ارام قاتقان مالدىڭ 14 قورىمىن سۋ شايىپ كەتتٸ دەگەن اقپارات تارادى. دەگەنمەن ونى قۇزىرلى ورگاندار بۇل مەلٸمەتتٸ ٸشٸنارا جوققا شىعارىپ وتىر. سۋ استىندا تەك وسىنداي ٶلەكسە كٶمٸلگەن ٷش قورىم قالعان ەكەن, - دەپ حابارلايدى Dalanews.kz.
الدىن الا ەسەپ بويىنشا, ٶڭٸردە سۋعا كەتكەن 219 ٸرٸ قارا, مىڭ جارىمنان استام ۇساق مال مەن 97 شوشقا جەنە جٷزگە تارتا تاۋىق ارام قاتقان. ينفەكتسييا تارالماۋ ٷشٸن تاسقىن بولعان جەرلەردەن ۆەتەرينارلار ٶلەكسەلەردٸ جيناپ الىپ كٶزٸن جويۋدى باستاعان.
ەندٸ تۇرعىندار سۋ شايعان قورىمداردان سٸبٸر جاراسى تاراي ما دەپ قورقادى. دەگەنمەن ۆەتەرينارييا باسقارماسىنداعىلار ونداي قاۋٸپتٸڭ جوق ەكەنٸن ايتادى.
"جالپى سٸبٸر كٶمٸندٸلەرٸ بٸزدٸڭ وبلىستا 222. سونىڭ 34-ٸ سىرىم اۋدانىندا. وسنىڭ ٷشەۋٸن ٶلەڭتٸ اۋدانىدا جىمپيتى كەشە سۋعا كەتكەن كەزدە سۋ باسقان. بٸراق قازٸر سۋ باسىلدى. ەش قاۋٸپ جوق. تيٸستٸ ۆەتەرينارلىق شارالار ٸسكە اسىرىلىپ جاتىر", - دەيدٸ بقو ۆەتەرينارييا باسقارماسى باسشىسىنىڭ ورنىباسارى ابزال بٸرەليەۆ.
