شىعىس قازاقستان وبلىسىنىڭ اكىمى ەرمەك كوشەربايەۆ قازاقستان جازۋشىلار وداعى شىعىس قازاقستان وبلىستىق فيليالىنىڭ ديرەكتورى الىبەك قاڭتاربايەۆپەن جانە قازاقستان رەسپۋبليكاسىنىڭ قۇرمەتتى ءجۋرناليسى ايتمۇحامبەت قاسىموۆپەن كەزدەستى. كەزدەسۋ بارىسىندا وڭىردەگى ونەر مەن ادەبيەتتى دامىتۋ جونىندەگى ءبىرقاتار ماسەلەلەر تالقىلاندى، دەپ حابارلايدى Dalanews.kz.
سونىمەن قاتار، وقىرماندار اۋديتورياسىن كەڭەيتۋ ماقساتىندا كىتاپحانا قورلارىن، ونىڭ ىشىندە شقو اۆتورلارىنىڭ كىتاپتارىن سيفرلاندىرۋ بويىنشا جۇمىس جۇرگىزۋ ۇسىنىلدى.
- بۇگىندە قاراپايىم كىتاپتاردى سىيلىق رەتىندە بەرۋگە بولادى جانە ولار ءالى دە سۇرانىسقا يە. ءبىراق ادامداردىڭ كوپشىلىگى ىڭعايلى بولعاندىقتىن ەلەكتروندىق كىتاپتارعا كوشۋدە. سوندىقتان جەرگىلىكتى جازۋشىلاردىڭ ادەبي شىعارمالارىن سيفرلاندىرۋ بويىنشا جۇمىس جۇرگىزۋ، سونداي-اق ولاردى تاراتۋ ءۇشىن ەلەكتروندىق رەسۋرستار قۇرۋ ماڭىزدى. سوندا ءبىزدىڭ دارىندى اۆتورلارىمىز تۋرالى ءبارى بىلەتىن بولادى، - دەيدى شىعىس قازاقستان وبلىسىنىڭ اكىمى ەرمەك كوشەربايەۆ.
سونداي-اق، جيىندا جازۋشى جانە دراماتۋرگ قاليحان ىسقاقتىڭ 90 جىلدىعىنا ارنالعان ءىس-شارالار جوسپارى تالقىلاندى.
