قازاقستان رەسپۋبليكاسى ۇقك شەكارا قىزمەتىنىڭ قۇرىلعانىنا 32 جىل تولۋى قارساڭىندا شىعىس قازاقستان وبلىسىنىڭ اكىمى ەرمەك كوشەربايەۆ پەن قازاقستان رەسپۋبليكاسىنىڭ ۇقك شەكارا قىزمەتىنىڭ اكادەمياسىن جاس وفيسەرلەرمەن، سونداي-اق رەسەي فەدەراسياسىنىڭ جوعارى اسكەري وقۋ ورىندارى جانە زاپاستاعى وفيسەرلەرمەن كەزدەسۋ ءوتتى، دەپ حابارلايدى Dalanews. kz شقو اكىمىنىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا ءوڭىر باسشىسى ەل شەكاراسىندا قاۋىپسىزدىك ساقتاۋدىڭ ماڭىزدىلىعىن اتاپ ءوتىپ، جاس لەيتەنانتتارعا قىزمەتتە ساتتىلىك تىلەدى.
- سىزدەر قازاقستان رەسپۋبليكاسى ۇلتتىق قاۋىپسىزدىك قىزمەتى شەكارا اكادەمياسىن جانە رەسەي فەدەراسياسىنىڭ جوعارى اسكەري وقۋ ورىندارىن ابىرويمەن اياقتاپ، ەلگە قىزمەت ەتۋ ءۇشىن شىعىس قازاقستان وبلىسىنا ارنايى كەلىپ وتىرسىزدار. سىزدەردىڭ جۇمىستارىڭىزدىڭ ءمان-ماڭىزى ايرىقشا. شىنايى پاتريوتيزم اتاق ءۇشىن ەمەس، وتان ءۇشىن ەلگە ادال قىزمەت ەتۋدەن كورىنەدى. حالقىمىز وزدەرىڭىزگە ءۇمىت ارتادى. قاۋىپسىزدىگىمىزدى قورعايدى دەپ سەنەدى. سول سەنىمدى تولىعىمەن اقتاۋ قاجەت! - دەدى وبلىس اكىمى.
ايماق باسشىسى شەكارالىق اۋدانداردىڭ حالقى دا ەل شەبىن قورعاۋ ىسىنە ولشەۋسىز ۇلەس قوسىپ جۇرگەندەرىن ايتىپ، ەلدىڭ ءال-اۋقاتىن ارتتىرۋ باعىتىندا ۇلكەن جۇمىستاردىڭ قولعا الىنىپ جاتقانىن اتاپ ءوتتى.
– اسكەري قىزمەت قاشاندا ەرلەر كاسىبى سانالادى. ءبىراق كەز كەلگەن كاسىپتە ەرلەرمەن تەڭ دارەجەدە قىزمەتىن ابىرويمەن اتقاراتىن قىزدار بار. اسكەري قىزمەتتىڭ ءيميدجىن كوتەرۋ بويىنشا جۇمىستى بەلسەندى تۇردە ناسيحاتتاۋ قاجەت»، - دەدى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنىڭ وفيسەرى ايجان جاعىپاروۆا.
ەستەرىڭىزگە سالا كەتەيىك، شىعىس قازاقستان وبلىسى – ەلىمىزدىڭ شەكارالىق بەلدەۋى 1،5 مىڭ شاقىرىمنان اساتىن ستراتەگيالىق ماڭىزدى وڭىرلەردىڭ ءبىرى. وسىلايشا، وبلىس جولاۋشىلار مەن تاۋار الماسۋدى قارقىندى جۇرگىزىپ، رەسەي فەدەراسياسىمەن جانە جۇڭگو حالىق رەسپۋبليكاسىمەن ىسكەرلىك، گۋمانيتارلىق جانە مادەني ىنتىماقتاستىقتى جۇزەگە اسىرۋدا.
