الماتى وبلىسى تالعار اۋدانىندا قازا تاپقان 24 جاستاعى جاناسىل سەرسەنبايدىڭ تۋىستارى مارقۇمنىڭ ارتىندا بٸر جاسار ەكٸ قىزى قالعانىن ايتتى, دەپ حابارلايدى كتك تەلەارناسىنىڭ سايتى.
جاناسىل سەرسەنبايدىڭ جاقىندارىنىڭ سٶزٸنشە, كٷدٸكتٸلەر بۇعان دەيٸن دە اۋىل تۇرعىندارىنا تٷنگٸ ۋاقىتتا تيٸسٸپ, مازالارىن العان.
مارقۇمنىڭ وتباسى ٷش جٸگٸت جاناسىلدى ەكەسٸنٸڭ قابٸرٸ ورنالاسقان زيراتتان باستاپ اڭدىپ كەلگەنٸن ايتادى. كەيٸن ٷيٸنٸڭ ماڭىندا, ٸنٸسٸنٸڭ كٶزٸنشە وعان پىشاق جاراقاتىن سالعان. قازا تاپقان جٸگٸتتٸڭ اناسى كٸنەلٸلەرگە قاتاڭ جازا بەرۋدٸ تالاپ ەتٸپ وتىر.
"بالام جٷگٸرٸپ كەلٸپ: "اعامدى پىشاقتاپ كەتتٸ" دەدٸ. مەن كيٸنٸپ, اۋلاعا شىقتىم. جاناسىلدى كٶردٸم. ول تٸزەرلەپ وتىر ەكەن. قۇشاقتاپ الدىم. ونىڭ اۋىر دەم الىپ جاتقانىن ەستٸدٸم. بٸز ونى اۋرۋحاناعا اپاردىق. بٸراق وندا ەشكٸم بولمادى. سوسىن جەتٸگەندەگٸ اۋرۋحاناعا باردىق. دەرٸگەرلەر كەش بولىپ كەتكەنٸن ايتتى", – دەدٸ مارقۇمنىڭ اناسى الماگٷل نۇرعىزات.
قىلمىسقا كۋە بولعان جاناسىلدىڭ ٸنٸسٸ ٶز ٶمٸرٸنە قاۋٸپتەنەتٸنٸن ايتىپ, جٷزٸن كٶرسەتۋدەن باس تارتقان.
ونىڭ ايتۋىنشا, ٷش ادام مٸنگەن كٶلٸك اعالى-ٸنٸلٸ ەكەۋٸن ەكەسٸنٸڭ قابٸرٸنە بارعان زيراتتان باستاپ ٷيٸنە دەيٸن قۋىپ كەلگەن.
جاستار الدىمەن ولاردىڭ جولىن بٶگەگەن. جاناسىل اۋىلداستارىنان جولدى بوساتۋدى سۇراپ, بەلگٸ بەرگەن. بٸراق ولار كٶلٸكتٸ الىپ تاستاماعان. سول كەزدە جاناسىل ولاردى جوعارى جىلدامدىقپەن اينالىپ ٶتپەك بولعان. بولجام بويىنشا, كٷدٸكتٸلەردٸ وسى جاعداي اشۋلاندىرعان.
"بٸز ولاردى جوعارى جىلدامدىقپەن اينالىپ ٶتتٸك. بٸراق ولار ارتىمىزدان قۋىپ, سيگنال بەرٸپ كەلدٸ. بٸز مەن بەرمەدٸك. توقتاماي ٷيگە دەيٸن جەتتٸك. كٶلٸكتٸ قويدىق. ولار دا توقتاپ, كٶلٸكتەن تٷستٸ. بٸز ولاردىڭ قولىندا پىشاق بار دەپ ويلامادىق. بٸرەۋٸ كەلٸپ, ٷندەمەستەن اعاما ەكٸ رەت پىشاق سۇقتى. سوسىن ولار بٸردەن كٶلٸككە وتىرىپ, قاشىپ كەتتٸ. ولار ٶزدەرٸن دۇرىس ۇستامادى. ماس كٷيدە بولدى", – دەدٸ مارقۇمنىڭ ٸنٸسٸ.
جاناسىل سەرسەنبايدىڭ وتباسىنىڭ ايتۋىنشا, مارقۇمنىڭ ارتىندا بٸر جاسار ەكٸ قىزى قالدى.
