قما شىعىس قازاقستان وبلىسى بويىنشا دەپارتامەنتٸ "ۋست-كامەنوگورسك ينەرت" جشس اتىنان جالعان شوت-فاكتۋرالار رەسٸمدەۋمەن اينالىسقان بٸر توپ ادامنىڭ زاڭسىز ەرەكەتٸن توقتاتتى, دەپ حابارلايدى dalanews.kz.
تەرگەۋ امالدارىنا ساي 2023 جىلعى ماۋسىم-قىركٷيەك ارالىعىندا كٷدٸكتٸلەر ازاماتتىق-قۇقىقتىق كەلٸسٸمشارتتار بويىنشا مٸندەتتٸ ورىنداۋ نيەتٸنسٸز, اۋىر تەحنيكاعا ارنالعان قوسالقى بٶلشەكتەر جەتكٸزٸلگەنٸ تۋرالى جالعان بۋحگالتەرلٸك قۇجاتتاردى جٷيەلٸ تٷردە رەسٸمدەپ وتىرعان.
بۇل قۇجاتتار ارقىلى ولاردىڭ سەرٸكتەستەرٸ كورپوراتيۆتٸك تابىس سالىعى مەن قوسىلعان قۇن سالىعىن قوسقاندا, سالىق تٶلەۋدەن زاڭسىز جالتارعان.
زاڭسىز سحەماعا مەملەكەتتٸك كٸرٸستەر باسقارماسىنىڭ قىزمەتكەرٸ دە قاتىسقان. ول سالىق باقىلاۋىنان كەدەرگٸسٸز ٶتۋ ٷشٸن قاجەت جالعان قۇجاتتاردى رەسٸمدەۋگە كٶمەكتەسكەن.
قولما-قول اقشاعا اينالدىرىلعان قاراجاتتىڭ جالپى كٶلەمٸ - 356 ملن تەڭگە. مەملەكەتكە تٶلەنبەگەن سالىق تٷرٸندە 91 ملن تەڭگەدەن اسا زالال كەلگەن.
سوت سانكتسيياسىمەن كٷدٸكتٸلەردٸڭ 3 پەتەرٸ مەن بٸر كٶلٸگٸنە تىيىم سالىندى.
قىلمىستىق ٸس سوتقا جولداندى.
