QMA Shyǵys Qazaqstan oblysy boiynsha departamenti "Ýst-Kamenogorsk inert" JShS atynan jalǵan shot-faktýralar rásimdeýmen ainalysqan bir top adamnyń zańsyz áreketin toqtatty, dep habarlaidy dalanews.kz.
Tergeý amaldaryna sai 2023 jylǵy maýsym-qyrkúiek aralyǵynda kúdiktiler azamattyq-quqyqtyq kelisimsharttar boiynsha mindetti oryndaý nietinsiz, aýyr tehnikaǵa arnalǵan qosalqy bólshekter jetkizilgeni týraly jalǵan býhgalterlik qujattardy júieli túrde rásimdep otyrǵan.
Bul qujattar arqyly olardyń seriktesteri korporativtik tabys salyǵy men qosylǵan qun salyǵyn qosqanda, salyq tóleýden zańsyz jaltarǵan.
Zańsyz shemaǵa Memlekettik kirister basqarmasynyń qyzmetkeri de qatysqan. Ol salyq baqylaýynan kedergisiz ótý úshin qajet jalǵan qujattardy rásimdeýge kómektesken.
Qolma-qol aqshaǵa ainaldyrylǵan qarajattyń jalpy kólemi - 356 mln teńge. Memleketke tólenbegen salyq túrinde 91 mln teńgeden asa zalal kelgen.
Sot sanktsiiasymen kúdiktilerdiń 3 páteri men bir kóligine tyiym salyndy.
Qylmystyq is sotqa joldandy.
