سەنات دەپۋتاتى مارات قوجاەۆ كٶكشەتاۋدا ەيەلدٸ كٶلٸكپەن قاعىپ ٶلتٸرگەن جٷرگٸزۋشٸگە قاتىستى قوعامداعى رەزونانسقا پٸكٸر بٸلدٸردٸ, دەپ حابارلايدى dalanews.kz.
سوڭعى كٷندەرٸ ەلەۋمەتتٸك جەلٸدە جول اپاتىنا كٸنەلٸ ەيەلدٸڭ كٷيەۋٸ جوعارى لاۋازىمدى پوليتسييا قىزمەتكەرٸ بولۋى مٷمكٸن دەگەن اقپارات تاراعان بولاتىن.
وسىعان بايلانىستى جۋرناليستەر سەنات كۋلۋارىندا مارات قوجاەۆتان پٸكٸر سۇرادى.
«شىنىن ايتسام, بۇل تەرگەۋگە ارالاسقان جوقپىن. بارلىعى انىق كٶرٸنٸپ تۇر. وقيعا ۆيدەوعا تٷسٸپ قالعان. ول كٸم بولسا دا, كٷيەۋٸ كٸم بولسا دا, قازٸر بٸزدە “زاڭ مەن تەرتٸپ” قاعيداتى بار. قانداي قىزمەت اتقارعانىنا قاراماستان, بەرٸ زاڭ اياسىندا قۇقىقتىق باعا الادى», - دەدٸ سەناتور.
سونىمەن قاتار قوجاەۆ جٷرگٸزۋشٸ ەيەلدٸڭ كٷيەۋٸ راسىندا قانداي دا بٸر لاۋازىم يەسٸ بولعانى تۋرالى ناقتى اقپارات جوق ەكەنٸن ايتتى.
«ٶتە سۇمدىق جاعداي. ەيەل ادام كٶلٸك جٷرگٸزۋدٸ وقىماعان, جٷرگٸزۋشٸ كۋەلٸگٸ دە بولماعان, ەشقانداي ماشىعى جوق بولا تۇرا رٶلگە وتىرعان», - دەدٸ ول.
ەسكە سالايىق, بۇعان دەيٸن ەلەۋمەتتٸك جەلٸلەردە كٶكشەتاۋدا بولعان ٶلٸمگە ەكەلگەن جول اپاتىنىڭ ۆيدەوسى تاراعان ەدٸ. كادرلاردا جول قيىلىسىندا بۇرىلعان جول تالعامايتىن كٶلٸك ەيەلدٸ قاعىپ كەتكەنٸ كٶرٸنەدٸ.
اپاتتان كەيٸن جەبٸرلەنۋشٸ كٶلٸكتٸڭ استىندا قالعان. كەيٸن ونىڭ جالعىزباستى انا ەكەنٸ بەلگٸلٸ بولدى.
پوليتسييا اتالعان فاكت بويىنشا قىلمىستىق ٸس قوزعادى. كەيٸنٸرەك رٶلدە وتىرعان ەيەلدٸڭ جٷرگٸزۋشٸ كۋەلٸگٸ بولماعانى انىقتالعان.
