Qazaqstan Respýblikasy UQK Shekara qyzmetiniń qurylǵanyna 32 jyl tolýy qarsańynda Shyǵys Qazaqstan oblysynyń ákimi Ermek Kósherbaev pen Qazaqstan Respýblikasynyń UQK shekara qyzmetiniń Akademiiasyn jas ofitserlermen, sondai-aq Resei Federatsiiasynyń joǵary áskeri oqý oryndary jáne zapastaǵy ofitserlermen kezdesý ótti, dep habarlaidy Dalanews. kz ShQO ákiminiń baspasóz qyzmetine silteme jasap.
Kezdesý barysynda óńir basshysy el shekarasynda qaýipsizdik saqtaýdyń mańyzdylyǵyn atap ótip, jas leitenanttarǵa qyzmette sáttilik tiledi.
- Sizder Qazaqstan Respýblikasy Ulttyq qaýipsizdik qyzmeti Shekara Akademiiasyn jáne Resei Federatsiiasynyń joǵary áskeri oqý oryndaryn abyroimen aiaqtap, elge qyzmet etý úshin Shyǵys Qazaqstan oblysyna arnaiy kelip otyrsyzdar. Sizderdiń jumystaryńyzdyń mán-mańyzy airyqsha. Shynaiy patriotizm ataq úshin emes, Otan úshin elge adal qyzmet etýden kórinedi. Halqymyz ózderińizge úmit artady. Qaýipsizdigimizdi qorǵaidy dep senedi. Sol senimdi tolyǵymen aqtaý qajet! - dedi oblys ákimi.
Aimaq basshysy shekaralyq aýdandardyń halqy da el shebin qorǵaý isine ólsheýsiz úles qosyp júrgenderin aityp, eldiń ál-aýqatyn arttyrý baǵytynda úlken jumystardyń qolǵa alynyp jatqanyn atap ótti.
– Áskeri qyzmet qashanda erler kásibi sanalady. Biraq kez kelgen kásipte erlermen teń dárejede qyzmetin abyroimen atqaratyn qyzdar bar. Áskeri qyzmettiń imidjin kóterý boiynsha jumysty belsendi túrde nasihattaý qajet», - dedi Qazaqstan Respýblikasy Ulttyq qaýipsizdik komitetiniń Shekara qyzmetiniń ofitseri Aijan Jaǵyparova.
Esterińizge sala keteiik, Shyǵys Qazaqstan oblysy – elimizdiń shekaralyq beldeýi 1,5 myń shaqyrymnan asatyn strategiialyq mańyzdy óńirlerdiń biri. Osylaisha, oblys jolaýshylar men taýar almasýdy qarqyndy júrgizip, Resei Federatsiiasymen jáne Qytai Halyq Respýblikasymen iskerlik, gýmanitarlyq jáne mádeni yntymaqtastyqty júzege asyrýda.
