Aqtaý qalasynda bir jarym jastaǵy bala jol apatynan kóz jumdy. Qaiǵyly oqiǵa 13 mamyr kúni oblys ortalyǵynyń 27-shaǵynaýdanynda bolǵan, dep habarlaidy dalanews.kz.
Jol talǵamaityn kólik kámeletke tolmaǵan balany qaǵyp ketken. Saldarynan sábi oqiǵa ornynda jan tapsyrǵan.
Rólde politsiia qyzmetkeri bolǵan
Mańǵystaý oblysynyń politsiia departamenti málimetinshe, qyzmettik kólikti quqyq qorǵaý organynyń qyzmetkeri basqarǵan. Politsei 27-shaǵynaýdandaǵy turǵyn úidiń aldyndaǵy jolda bir jarym jastaǵy ul balany qaǵyp ketken. Bala esin jimastan oqiǵa ornynda qaitys bolǵan.
Qylmystyq is qozǵaldy
Atalǵan fakti boiynsha Qylmystyq kodekstiń 345-baby 3-bóligi («Kólik quraldaryn basqaratyn adamdardyń jol qozǵalysy nemese kólik quraldaryn paidalaný qaǵidalaryn buzýy») boiynsha qylmystyq is qozǵalǵan. Kólik júrgizýshisi ýaqytsha ustaý izoliatoryna qamalǵan. Qazirgi ýaqytta qajetti tergeý amaldary júrgizilip jatyr.
Politsiia departamenti qaza tapqan balanyń týystary men jaqyndaryna kóńil aitty. Vedomstvo basshylyǵy bul isti erekshe baqylaýǵa alǵanyn málimdedi.
