اقتاۋ قالاسىندا بٸر جارىم جاستاعى بالا جول اپاتىنان كٶز جۇمدى. قايعىلى وقيعا 13 مامىر كٷنٸ وبلىس ورتالىعىنىڭ 27-شاعىناۋدانىندا بولعان, دەپ حابارلايدى dalanews.kz.
جول تالعامايتىن كٶلٸك كەمەلەتكە تولماعان بالانى قاعىپ كەتكەن. سالدارىنان سەبي وقيعا ورنىندا جان تاپسىرعان.
رٶلدە پوليتسييا قىزمەتكەرٸ بولعان
ماڭعىستاۋ وبلىسىنىڭ پوليتسييا دەپارتامەنتٸ مەلٸمەتٸنشە, قىزمەتتٸك كٶلٸكتٸ قۇقىق قورعاۋ ورگانىنىڭ قىزمەتكەرٸ باسقارعان. پوليتسەي 27-شاعىناۋدانداعى تۇرعىن ٷيدٸڭ الدىنداعى جولدا بٸر جارىم جاستاعى ۇل بالانى قاعىپ كەتكەن. بالا ەسٸن جيماستان وقيعا ورنىندا قايتىس بولعان.
قىلمىستىق ٸس قوزعالدى
اتالعان فاكتٸ بويىنشا قىلمىستىق كودەكستٸڭ 345-بابى 3-بٶلٸگٸ («كٶلٸك قۇرالدارىن باسقاراتىن ادامداردىڭ جول قوزعالىسى نەمەسە كٶلٸك قۇرالدارىن پايدالانۋ قاعيدالارىن بۇزۋى») بويىنشا قىلمىستىق ٸس قوزعالعان. كٶلٸك جٷرگٸزۋشٸسٸ ۋاقىتشا ۇستاۋ يزولياتورىنا قامالعان. قازٸرگٸ ۋاقىتتا قاجەتتٸ تەرگەۋ امالدارى جٷرگٸزٸلٸپ جاتىر.
پوليتسييا دەپارتامەنتٸ قازا تاپقان بالانىڭ تۋىستارى مەن جاقىندارىنا كٶڭٸل ايتتى. ۆەدومستۆو باسشىلىعى بۇل ٸستٸ ەرەكشە باقىلاۋعا العانىن مەلٸمدەدٸ.
