Qazaqstanda «AI Farabi», «Qoja Ahmet Yassaui» jáne «Meiirim» atty jańa memlekettik ordender engiziledi, dep habarlaidy dalanews.kz.
Senat «Qazaqstan Respýblikasynyń memlekettik nagradalary týraly» zańǵa engizilgen ózgeristerdi qabyldady.
Jańa ordender Memleket basshysynyń Ulttyq quryltaida bergen tapsyrmasy aiasynda taǵaiyndalyp otyr.
Prezident Qasym Jomart Toqaev uly oishyldar men aǵartýshylardyń murasyn qazirgi qoǵamda keńinen nasihattaý mańyzdy ekenin aitqan.
«Babalarymyzdyń baǵa jetpes eńbekterin qazirgi zaman turǵysynan jańasha dáripteý mańyzdy. Uly aǵartýshylarymyzdyń murasyn keńinen nasihattap, damytý qajet. Osy mindetti júzege asyrýǵa jańa ordenderdi taǵaiyndaý yqpal etedi», - degen bolatyn Memleket basshysy.
Jańa nagradalar boiynsha:
- «AI Farabi» ordeni bilim, ǵylym, mádeniet jáne rýhaniiat salasyndaǵy erekshe eńbegi úshin beriledi.
- «Qoja Ahmet Yassaui» ordenimen memleketshildikke, gýmanitarlyq jáne aǵartýshylyq salaǵa úles qosqan otandyq jáne sheteldik ǵalymdar men qoǵam qairatkerleri marapattalady.
- «Meiirim» ordeni qaiyrymdylyq, metsenattyq jáne filantropiia salasyna eleýli úles qosqan azamattarǵa tabystalady.
